Kupwila kwa Mingilo kwa mu Kweji Wabusatu
Yenga Ushilula 2 Kweji 3
Min 10: Misapu imutala. Misapu itala Mwingilo Wetu wa Bulopwe. Myanda Itala Mwingilo wa Leza.
Min 15: “Batumoni ba Yehova—Basapudi Babine.” Na bipangujo ne malondololo. Pituluka mu myanda idi mu Kiteba kya Mulami kya 1 kweji 9, 1992, mu kapango kadi pa paje 10.
Min 20: “Fikijai Luno Lwito ku Muntu Ye-Yense Udi na Kyumwa.” Pituluka mu kino kishinte, ulombole ne amba kikatampe kiletelwe ntwelelo ilombwelwe’mo i kusamuna kusepelela kwa besambi netu ne kwibatonona. Kyakumwenako kibajinji na muntu mutame kimanine pa musāngo 2-3 nansha 4-5, kyabubidi kimanine pa musāngo 6 na musapudi nkasampe.
Lwimbo 208 ne milombelo yamfulo.
Yenga Ushilula 9 Kweji 3
Min 10: Misapu imutala. Lapolo wa mukōlo wa pa kipwilo.
Min 15: Bisakibwa bya pa kipwilo.
Min 20: “Tusapwilei Bantu ba Ndimi Yonso ne Mitōtelo Yonso.” (Musāngo 1-10) Na bipangujo ne malondololo. Tūla mulongo wa ndimi inenwanga mu wenu mwaba, utele ne mabuku adi mu kibīko a mu mine ndimi’ya. Kyakumwenako kimanine pa musāngo 10, kilombola mwa kwingidijija mukanda Une bonne nouvelle pour toutes les nations.
Lwimbo 220 ne milombelo yamfulo.
Yenga Ushilula 16 Kweji 3
Min 5: Misapu imutala.
Min 12: Buluji Botusakilwa Kutanwa ku Kupwila kwa pa Kipwilo. Mukulumpe umo ubandaula myanda mikatampe idi mu Kiteba kya Mulami kya 15 kweji 8, 1993, paje 8-11 (Falanse), ukokela milangwe pa mvubu ya kutanwa kitatyi ne kitatyi ku kupwila konso.
Min 18: “Tusapwilei Bantu ba Ndimi Yonso ne Mitōtelo Yonso.” (Musāngo 11-27) Na bipangujo ne malondololo. Lombola mitōtelo yakubulwa kwikala ya bwine Kidishitu idi mu wenu mwaba. Kyakumwenako na musapudi wa bwino kilombola muswelo wa kobolola musunsa umbajinji muntu utōtanga mu mutōtelo utumbile mu wenu mwaba, ekale mwine Buddha, mwine Hindu, Muyuda, nansha Mizilma.
Min 10: “Yehova I Mukwashi Wami.” Kishinte kya kyanga kadi kikankamika kikanenwa na mukulumpe.
Lwimbo 15 ne milombelo yamfulo.
Yenga Ushilula 23 Kweji 3
Min 10: Misapu imutala. Wisambile pa mabuku otukapāna mu kweji 4. Leta mulangwe umo nansha ibidi ya mwa kupānina dibuku Buyuki, ingidija milangwe idi pa paje 8 mu Mwingilo Wetu wa Bulopwe wa kweji 6, 1996. Imanina bininge pa kino, kitungo kyetu i kushilula bifundwa bya Bible.
Min 15: “Shi Ntwelelo Kampanda Ilupulanga Bipa, Ingidija’yo!” Na bipangujo ne malondololo. Nena musapudi umo nansha babidi ba bwino balombole mu kīpi, enka pobashikete, i ntwelelo’ka yobakingidijanga ne pano mwanda wa kupēla kwayo ne bipa byoilupula. Kupwa, basapudi bakwabo nabo balombole ntwelelo yobamonanga bu miyampe yalupwilwe panopano mu Mwingilo Wetu wa Bulopwe.
Min 20: Twiibidijei mwa Kukapānina Musapu. Kishinte kīpi kimanine pa dibuku Shule, pa paje 98-99, musāngo 8-9. Kokela milangwe bininge pa mvubu ya kubandaula senene ntwelelo yetu ne kukimba kwikala ba bwino. Bakaka babidi balombola muswelo obabandaulanga bintu byobanene ku kibelo kya muntu kampanda, kupwa kebesambila pa byobakokeja kulumbulula. Kadi beibidije’mo dimo mu kīpi mu ntwelelo kampanda mwa kuyukila i yepi yobakengidija musunsa mukwabo, penepo bepa ne madingi akwasha. Tutu ukendeja kino kipindi ukafula na kukankamika basapudi bonso bekale kubandaula ntwelelo yabo ne kupituluka’mo.
Lwimbo 103 ne milombelo yamfulo.
Yenga Ushilula 30 Kweji 3
Kipwilo kikateakanya mpangiko yakyo, mukekala ne myanda itala kulonga Kivulukilo kya mu dyamposo 11 kweji 4, 1998. Mukatana myanda ikwatañene nakyo mu Mwingilo Wetu wa Bulopwe wa kweji 3, 1996.