Kupituluka Kwa Masomo A Mwingilo Wa Kiteokratike
Kuno kupituluka kukalongwa pakubulwa kutala mu mabuku, i kwa mu bifundwa byotwefundile ku Masomo a Mwingilo wa Kiteokratike, tamba mu yenga ushilula na mafuku 7 Kweji 9 kutūla ku mafuku 21 Kweji 12, 1998. Londolola pa papye wa pa bula ku bipangujo byokabwanya mungya kitatyi kitungilwe.
[Bushintuludi: Pa kupituluka, ingidija’nka Bible kete. Mabuku asonekelwe ku mfulo kwa bipangujo’o akemukwasha mu kukimba kwenu kwa pa kasuku. Eyo, mapaje ne misāngo ya mu manimelo a Kiteba kya Mulami a kunyemena’ko aletwanga shao, ino ke ponsopo.]
Londolola ku bino bipangujo amba I amo nansha amba Ke amopo:
1. “Kyabuntu” kisambilwa’po mu 2 Temote 1:6 kifunkila pa bwino bwa kwisamba ndimi mishileshile bwapelwe Temote pa kutononwa’ye na mushipiditu sandu wa Leza. [Butangi bwa Bible; tala w85-F 1/5 p. 16 mus. 15.]
2. Mwine Kidishitu mupye ‘utamijanga manwa andi a kujingulula nao bintu mwa kushiyañenya biyampe ne bibi’ na kwikala na kibidiji kya kwingidija buyuki bo-bonso bwadi nabo mu Kinenwa kya Leza. (Bah. 5:14) [Butangi bwa Bible; tala w85-F 15/6 p. 9 mus. 7.]
3. Nansha Batumoni ba Yehova byobalembwa na imbikalo bu kikonge kya mutōtelo, ino lupusa lobavuijanga nalo mutōtelo wabine i lumweke’tu amba kelulupukangapo ku muntu kampanda nansha ku umbikalo kabidye wa bantu. [jv-F p. 696 mus. 1]
4. Yakoba mulembi wa Bible ye enka Yakoba wādi musedi wa myanda wa “batumibwa ne bakulumpe” kitatyi kyātyibilwe mbila itala pa kutwejibwa kwisao. (Bil. 15:6, 13; Yak. 1:1) [si-SW p. 248 mus. 2-3]
5. Nansha binena 1 Petelo 5:13 amba Petelo wādi mu Babiloni paālembele wandi mukanda umbajinji, ino bukamoni bulombola’mba dijina Babiloni dyaātelele i Loma waādi utela na kafinda. [si-SW p. 252 mus. 4]
6. Kishima “antekidishitu wiyanga” kidi mu 1 Yoano 2:18 kifunkilanga pa muntu umo kete. [Butangi bwa Bible; tala rs-SW p. 212 mus. 3.]
7. Kwitupa ku mawi kwātambile ku kupela kwāpelelwe Mako na Polo kutelelwe mu Bilongwa 15:36-41, kekwāpwilepo nansha dimo. [ad p. 970 mus. 4; it-2-F p. 216 mus. 4]
8. Mukanda wa Kusokwelwa i mufwaninwe byoudi ku mfulo kwa Bible, mwanda o mukanda wamfulo ku kulembwa na mutumibwa Yoano. [si-SW p. 263 mus. 1]
9. Kusokwelwa 13:11-15 ulombolanga na bubine bonso mwaikadile Umbikalo Utādile Ntanda wa Amedika ne Angeletele bu mukwatakani ne mushimiki mukatampe wa Kitango kya Mizo ne Kitango kya Bumo bwa Mizo kyekipingakenine. [Butangi bwa Bible; tala w88-F 15/12 p. 19 mus. 3.]
10. Musoñanya wa kwiswa udi mu Yoano 13:34, lwādi ‘lubila lupya’ mwanda wādi wa panopano kutabuka Bijila bya Mosesa. [jv p. 711 mus. 4]
Londolola ku bino bipangujo:
11. Lelo kuno kunena kunenwe’mba mukulumpe kafwaninwepo kwikala “wakukupijañana” kushintulula bika? (Tet. 1:7) [Butangi bwa Bible; tala w90-F 1/9 p. 27 mus. 21.]
12. Lelo tuyukile namani amba ba Loisa ne Yunisa bāfundije Temote Bisonekwa abo bonso bubidi? [ad p. 935 mus. 1 mukuku wa bubidi; it-2-F p. 162 mus. 8]
13. Yesu wādi usaka kunena bika paānene’mba, “Kitapwa ne kyakwela abe kuswele’byo”? (Bah. 10:5) [Butangi bwa Bible; tala w96-KU 1/7 p. 21 mus. 3.]
14. Lelo bene Kidishitu babwanya ‘kunekenya ntanda’ muswelo’ka? (1 Yoa. 5:3, 4) [si-SW p. 258 mus. 12]
15. Lelo kishima ‘kulama ndaminine difuku dya Yehova mu ñeni’ kyānene Petelo kishintulula namani? (2 Pet. 3:12) [Butangi bwa Bible; tala w97-KU 1/9 p. 26 mus. 2.]
16. Lelo i kika kikwabo kibadilwa mu butōki bwa mushipiditu, ne kino kikokeja kukwasha muswelo’ka ku kukinga kisaka kya muntu? (2 Kod. 7:1) [fy-KU p. 46 mus. 14]
17. Kukwatañana na Kusokwelwa 1:7, boba bātapile Yesu bakamumona muswelo’ka ‘pa kwiya’ye umakumbi’? [Butangi bwa Bible; tala w93-KU 1/5 p. 13 mus. 7.]
18. Lelo bene Kidishitu batengele ‘badyumukanga abo bene ne kushala batengele’ muswelo’ka? (Luka 21:34, 36) [jv-F p. 714 mus. 4]
19. Lelo boba babundile dyalelo bulongolodi bwa bwine Kidishitu bumo kete bwabine bafikile muswelo’ka ku kwivwanija senene Kinenwa kya Leza? [jv-F p. 708 mus. 3]
20. I misoñanya’ka ya mu Bisonekwa ifwaninwe kulēmekwa na bulongolodi bwa bwine Kidishitu bumo kete bwabine mu ano mafuku a ku mfulo? [jv-F p. 706 mus. 3]
Tūla kishima nansha bishima pa byaba bishele pululu mu binenwa bilonda’ko bino:
21. Ba mulume ne mukaji bafwaninwe _________________________ aku balamine mu ñeni’mba _________________________ ye udi na mvubu kutabuka mumwekelo wa panja. [fy-KU p. 26 kapango ka kupituluka]
22. Mukanda wa Polo kudi Bahebelu ulombola’mba bipindi bishileshile bya _________________________ byādi mujiñinyinya wāletele Leza ufunkila pa bintu bikatakata bya kumeso, byonso bitala enka padi _________________________, kufikidila kwa Bijila. [si-SW p. 247 mus. 23]
23. Mu 2 Petelo 1:5-8, mutumibwa Petelo usoñanya kwikala na _________________________ mu kutamija ngikadilo ya bwine Leza iketulama tuleke kwikala na _________________________ nansha _________________________. [si-SW p. 255 mus. 9]
24. Mu mīsambo ya ba mulume ne mukaji, _________________________ ne _________________________ bidi na mvubu mikatampe. [fy-KU p. 36 mus. 21]
25. Madia inandya Yesu wādi wa ku kisaka kya _________________________, kadi wa ku musuku wa Davida; o mwanda kupityila kudi aye, Yesu wāselele kyepelo kya kupyana _________________________ bwa “kipōna kya shandi Davida.” (Luka 1:32) [ad p. 979 mus. 3; it-2-F p. 227 mus. 7]
Tonga kilondololwa kyoloke mu binenwa bilonda’ko bino:
26. Pākutyilwe Polo dibajinji mu Loma, (Oneshifolusa; Onesemusa; Onani), mupika wānyemene ku njibo ya (Fidipa; Fetuse, Filemone), wādi umbukata mwa boba bāivwene busapudi bwandi. [si-SW p. 242 mus. 2]
27. (Buswe; Bulēme; Kizaji) i “kukwata bakwabo na mutyika, kwibalēmeka.” [fy-KU p. 30 mus. 7]
28. Mu Luka 14:28, Yesu wisambila pa (kwiteakanya; kuleka kusupakanya lupeto; kwepuka kwapula mapu). [fy-KU p. 40 mus. 4]
29. “Bulopwe” butelelwe mu Yude 8 bufunkila pa (kitenta kya Yesu; bubikadi bwa peulu bwa Yehova; lupusa lupēne Leza mu kipwilo kya bwine Kidishitu). [si-SW p. 263 mus. 9]
30. Mu Kusokwelwa 11:11, “mafuku asatu ne kipindi,” āmwekele bashele’ko bashingwe-māni bu imbidi mifwe ku meso a balwana nabo, afunkilanga pa (myaka isatu ne kipindi; kitatyi kityetye; myeji isatu ne kipindi). [Butangi bwa Bible; tala re p. 167 mus. 21.]
Lamika bino bisonekwa ku binenwa bifwaninwe: Nk. 8:30; Mat. 19:13-15; Bah. 2:1; Yak. 4:15; 1 Pet. 3:4
31. Mwanda wa kutyina kuponena mu milongelo ya bisela bipupwa mu ino ntanda yotudi’mo, tufwaninwe ‘kuninga na kuta mutyima’ ku Kinenwa kya Leza na kwikala na kibidiji kiyampe kya kwifunda ne kulonda mpangiko senene ya butangi bwa Bible. [Butangi bwa Bible; tala w98-KU 1/1 p. 19 mus. 9.]
32. Kumeso kwa kukala ñeni ya bya kulonga mu mafuku a kumeso, tufwaninwe bidi kulombela mwa kuyukila shi i mikwatañane na mpango ya Leza. [Butangi bwa Bible; tala w97-KU 1/12 p. 16 mus. 10-11.]
33. “Mutyima wa kikōkeji ne butalale” bwa mukaji mwine Kidishitu kadi inabana keusangajangapo enka mulumyandi, ino kutabukidila usangajanga Leza. [Butangi bwa Bible; tala w89-F 15/5 p. 18 mus. 12.]
34. Na kulonda kifwa kya Yehova, shabana muyampe nandi ufwaninwe kutamija kipwano kya kyanga ne kya buswe na wandi mwana tamba ukibutulwa ñaa.[fy-KU p. 54 mus. 7]
35. Yesu kadipo usañuna bana kitatyi kyaādi wibēsela, nanshi kekyendele’mo muntu kumona bana bana-balume bu batabuke bana bana-bakaji. [fy-KU p. 52 mus. 4]