Kupituluka kwa Masomo a Mwingilo wa Kiteokratike
Bino bipangujo bikabandaulwa kukanwa ku Masomo a Mwingilo wa Kiteokratike mu yenga ushilula na mafuku 29 Kweji 8, 2005. Mutadi wa masomo ukendeja kuno kupituluka kwa minite 30 kwimanine pa bipindi byapityijibwe mu mayenga a tamba mafuku 4 Kweji 7 kufika ne ku mafuku 29 Kweji 8, 2005. [Ta mutyima: Popa pampikwa kwa kunyemena’ko kupwa kwa kipangujo, ukalonga bukimbi bwa abe mwine mwanda wa kutana malondololo.—Tala kitabo Masomo a Mwingilo, p. 36-37.]
MISHETEKELO YA BUNENI
1. Kitatyi kyotusapwila bakwetu lukulupilo lwetu, i muswelo’ka otukokeja ‘kuyukana bu bantu ba mutyima unekena,’ ne mwanda waka kidi na mvubu? (Fid. 4:5; Yak. 3:17) [be p. 251 mus. 1-3, kapango]
2. Le kuyuka kitatyi kya kwikala na mutyima unekena kuketukwasha namani twikale biyampe na bakwetu? [be p. 253 mus. 1-2]
3. Mwanda waka i biyampe kwipangula bipangujo bya bwino potukwasha muntu alangulukile pa mwanda? [be p. 253 mus. 3-4]
4. I bintu’ka bifwaninwe kubandaula pa kusaka mwisambo wetu wikale unekenya? [be p. 255 mus. 1-4, kapango; p. 256 mus. 1, kapango]
5. I bika byotufwaninwe kulama mu ñeni shi tusaka kubweja’ko bukamoni bukwabo bukwasha ku bujalale bwa Bisonekwa? [be p. 256 mus. 3-5, kapango]
KIPINDI NO. 1
6. I bukamoni’ka bulombola patōka bubinebine bwa mānga ya Yesu? [w03-F 15/6 p. 4-7]
7. “Kyakanwa kya babuluji kikebanyongolola” muswelo’ka, ne njibo ya boloke nayo “ikemananga” namani? (Nk. 12:6, 7) [w03-F 15/1 p. 30 mus. 1-3]
8. Bible byakasonekelwepo bu musululu wa bya kulonga ne bya kuleka kulonga, i muswelo’ka ‘otukayuka mwikadile kiswa-mutyima wa Mfumwetu’? (Ef. 5:17) [w03-F 1/12 p. 21 mus. 2–p. 22 mus. 3]
9. I misoñanya’ka ya mu Bible ikokeja kulondwa shi muntu ulwa na bulanda nansha na bufudile bwa lupeto? [w03 1/8 p. 5 mus. 2-5]
10. Kimfwa kya Yehova kya kupāna ku bitupu kitutala namani? (Mat. 10:8) [w03-F 1/8 p. 20-22]
BUTANGI BWA BIBLE BWA KU YENGA NE YENGA
11. Bipanda bibidi bitwa bu Yakine ne Boaze byādi pa ntwelelo ya tempelo yāubakile Solomone byādi bishintulula bika? (1 Bal. 7:15-22)
12. Le kyabuntu kyāpene Solomone kudi Hilame kya bibundi 20 mu ntanda ya Ngadilea i kikwatañane na Bijila bya Mosesa? (1 Bal. 9:10-13)
13. I ñeni’ka yotuboila ku kubulwa kikōkeji kwa “muntu wa Leza”? (1 Bal. 13:1-25)
14. Asa Mulopwe wa Yuda wālombwele bukankamane mu dishinda’ka, ne i ñeni’ka yotukokeja kuboila ku kimfwa kyandi? (1 Bal. 15:11-13)
15. Mwanda wāikele pa bukata bwa Mulopwe Ahaba ne Nabote ulombola namani kyaka kidi mu kwikala bya bulanda? (1 Bal. 21:1-16)