Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 12

“Tubaiya, tudi mu mwingilo wa kukwasha bisaka. Bambutwile bavule basakanga babo bana basanswe Leza. Le ulanga’mba bilomba bambutwile kufundija babo bana’ni, nansha bilomba bana abo bene befunde kusanswa Leza?” Muleke alondolole. Mulombole kibalu kya panyuma kya Kiteba kya Mulami kya difuku 1 Kweji 12, ne kubandaula nandi myanda idi munshi mwa kipangujo kibajinji ne kisonekwa nansha kimo pa bitelelwe’mo. Mupe mapepala ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 12

“Tupempulanga bantu mu kitatyi’tu kityetye mwanda wa kwisamba nabo myanda ya Leza. Tuyukile amba muntu yense kudi mwalangilanga mwikadile Leza. Le ulanga’mba bantu bavule bamumonanga bu bukomo kampanda bwa kipangila’ni, nansha bamumonanga bu mulunda wibatele mutyima? [Muleke alondolole.] Kino Kisonekwa kitulombola kipwano kisaka Leza tupwane nandi. [Tanga Yakoba 4:8a.] Kino Kiteba kya Mulami kilombola bintu bisatu byotubwanya kulonga pa kusaka twiivwane’mba tudi pa bwipi na Leza.”

Réveillez-vous ! Kweji 12

“Tupempulanga bantu mu kitatyi’tu kityetye mwanda wa kwisambila nabo pa myanda itala misongo ikambakanya bantu bavule. Bulongolodi bwa Ntanda Butala Myanda ya Bukomo bwa Ngitu bulombola amba muntu umo pa baná uponenwanga na misongo ya mu ñeni, pamo bwa kutyumukwa mutyima kitatyi kimo mu būmi bwabo. Le umona amba misongo ya mu ñeni yendanga ivudila’ko? [Muleke alondolole.] Bible witukulupija amba kumeso’ku būmi pano pa ntanda bukekala bwampikwa misongo ne misanshi. [Tanga Kusokwelwa 21:3, 4.] Uno Réveillez-vous ! Ulombola bintu kampanda bifwaninwe kuyuka muntu yense pa mwanda utala misongo ya mu ñeni.”