Myanda ya Kunyemena’ko ya Kabuku ka ku Kupwila Būmi ne Mwingilo
4-10 KWEJI 5
BYABULĒME BYA MU KINENWA KYA LEZA | NGALWILO 36-37
“Abakwatyilwa Yosefa Mukao”
“Nemwisashila Ivwanai Bidi Kilotwa Kino’ki”
Bible ulondolola amba: “Bāna babo pa kumona shabo byāmusanswa kupita ku bāna babo bonso ponkapo bamushikwa, ne kwisamba nandi biyampe mpikila.” (Ngalwilo 37:4) Mukao wabo wādi padi mwendele’mo, inoko banababo na Yosefa babudilwe tunangu pa kwikala na ino milangwe ileta lufu. (Nkindi 14:30; 27:4) Lelo kashā kwaabile shi abate muntu mutyima nansha kumulēmeka pa kyaba kya kukuta’o abe? Vuluka banababo na Yosefa. Mukao wabo webātwele ku kulonga bintu byobeālakenye bininge mwenda mafuku. Kimfwa kyabo kivuluja bene Kidishitu amba i biyampe “[kusangala] na boba basangala.”—Loma 12:15.
Bine Yosefa wāmwene kantyokolo ka banababo. Penepa, le wāfile mutwelo wandi waādi usenswe kitatyi kyāmufwenene banababo? Wādi padi pa ditōmpo dya kulonga namino. Ino vuluka’mba Yakoba wādi usaka uno mutwelo wikale bu kilomboji kilombola’mba umuswele ne kumwitabija. Yosefa wādi usaka kwiendeja mungya kikulupiji kyādi kimukulupile shandi, o mwanda wādi uvwala nyeke uno mutwelo. Kimfwa kyandi kidi na kamweno kotudi. Nansha Tata wetu wa mūlu byakadipo na mboloji, utoñanga kyaba kimo bengidi bandi ba kikōkeji ne kwibetabija. Pakwabo kadi, wibanenanga bekale basansane na ino ntanda mibi kadi myoneke. Pamo bwa mutwelo wa Yosefa wa pa bula, mwiendelejo wa bene Kidishitu ba bine wibashiyañanyanga na bantu bebajokolokele. Uno mwiendelejo ukolomonanga kyaba kimo mukao ne kantyokolo. (1 Petelo 4:4) Lelo mwine Kidishitu ufwaninwe kufya kayukeno kandi kene ka bu mwingidi wa Leza? Mhm—nansha ke Yosefa mwine kāfilepo mutwelo wandi.—Luka 11:33.
“Nemwisashila Ivwanai Bidi Kilotwa Kino’ki”
Bino bimonwa byātambile kudi Yehova Leza. Byādi bimonwa bya bupolofeto, kadi Leza wāingidije Yosefa mwanda wa kupāna musapu wādi’mo. Mu buluji kampanda, Yosefa wādi ufwaninwe kulonga byonso byālongele bapolofeto mwenda mafuku kitatyi kyobādi basapula misapu ne butyibi bwa Leza ku bantu bandi ba byabulongelonge.
Yosefa wānene banababo na bunwa amba: “Nemwisashila ivwanai bidi kilotwa kino’ki kyo nalota.” Banababo bāivwana kilotwa, kadi kebāsangelepo nansha dimo. Bālondolola amba: “I binebine le uketubikadilanga abewa nanshi, a?” Nsekununi ibweja’ko amba: “Penepo baningisha kumushikwa byamwiko’tu mwanda wa bilotwa byandi.” Yosefa pa kusekunwina shandi ne banababo kilotwa kya bubidi, kebālongele’popo kintu kiyampe. Tutanga amba: “Shandi wamukanda kamunena’mba: Lelo kilotwa kine kyo walota i kilotwa ka? Lelo amiwa ne inobe ne bamwanenu bene, binebine tukāye kukwivukwila abewa, a?” Inoko, Yakoba wādi’nka ulangulukila pa uno mwanda. Lelo i Yehova wēsambile na uno nkasampe?—Ngalwilo 37:6, 8, 10, 11.
Yosefa kādipo mwingidi wa Yehova mubajinji nansha wa mfulo wānenwe kusapula musapu wa bupolofeto wāmwekele bu keuyukenepo kadi utwala ku kupangwapangwa. Yesu i muntu mukatakata wāsapwile musapu wa uno muswelo, kadi wāsapwidile balondi bandi amba: “Shi bampangilepangile amiwa, ne banwe bene bakemupangapanga.” (Yoano 15:20) Bene Kidishitu ba myaka yonso babwanya kuboila ñeni mivule ku lwitabijo ne bukankamane bwa nkasampe Yosefa.
Kukola Byabupeta bya ku Mushipiditu
it-1-F p. 693
Edoma
(Edoma) [Utyila], Bene Edoma.
Edoma dyādi dijina dya bubidi dya Esau, wa mapasa na Yakoba. (Ngo 36:1) Wāinikilwe dino dijina pa mwanda wa kupotoloja lupusa lwandi lwa bu mwana umbedi ku busuku butyila bwa nkunde. (Ngo 25:30-34) Kino i kikwatañane, mwanda Esau wābutwilwe na lukoba lutyila (Ngo 25:25), kadi luno lukoba lwādi na bantu bavule mu bipindi bya ntanda byaāshikete’mo aye ne lutundu lwandi.
it-1-F p. 964
Bulami
Shi mukumbi nansha mulami wanena’mba usa kutala nansha kulama luombe, kino kyādi kilombola’mba waitabija kulama bano banyema mungya bijila. Wādi ukulupija mwinē’bo amba ukebadisha kadi kebakebwepo, shi bitupu nabya ukafuta mfutwa. Inoko, ke ponsopo paādi unenwe kufuta, mwanda mungya kijila kitelelwe kūlu’ku, mulami kādipo ulambikwa mambo mu mwanda utabukile bukomo bwikalanga na bantu, kimfwa kutambwa na banyema ba budyani. Inoko pa kutamba mu myanda, mulami wādi ufwaninwe kulombola mwinē banyema kintu kileta bubinga, kimfwa nyema musasamunwe. Shi mwinē banyema wabandaula buno bubinga, wādi unena mukumbi amba kadipo na mambo.
Uno musoñanya wādi ulondwa ne mu kintu kyo-kyonso kipelwe muntu kulama, enka ne mu kisaka, kimfwa mwana umbedi ye wādi na kiselwa kya kulama bankasandi bana-balume ne bana-bakaji. Pa kino, tubwanya kwivwanija kine kyādi kikambakena Lubeni mwana umbedi pa mwanda wa būmi bwa Yosefa pādi pakimba banababo bakwabo kumwipaya, enka na mokilombwedilwe mu Ngalwilo 37:18-30. “Wānena’mba: ‘Ketwakipayai būmi bwandi.’ . . . ‘Kemwakimwangai mashi. . . . kemwakimulongai kibi.’ Kyaādi usaka i kumukūla kobadi mwanda wa kumujokeja kudi shandi.” Kadi Lubeni pa kutana Yosefa mutupu’ye mu kīna, wāfītwa bininge, “ponkapo wāsana bivwalwa byandi” ne kutulula diwi kanena’mba: “Mwana wajimina! Penepo ami—ami nsa kulonga’byo namani?” Wādi uyukile amba ukeshintulwilanga pa mwanda wa Yosefa wajimina. Pa kwiepeja ku mambo, banababo bāleta bubinga bwa bubela’mba Yosefa waipaibwa na nyema wa ntanda wa budyani. Penepa bātubika kivwalwa kya Yosefa kisasamuke mu mashi a mbuji. Kupwa bātumina shabo Yakoba kino kivwalwa anene’po kya mfulo, mwine kālambikilepo Lubeni mambo, mwanda banababo bāile na kivwalwa kilambakane’ko mashi, penepa Yakoba wānena’mba Yosefa i mwipaibwe.—Ngo 37:31-33.
11-17 KWEJI 5
BYABULĒME BYA MU KINENWA KYA LEZA | NGALWILO 38-39
“Yehova Kāelelepo Yosefa Nansha Dimo”
“Lelo Nkalonga Namani ne Buno Bubi Bukatampe Byamwiko Namino?”
“Ebiya Yosefa waletwa ku Edipito; ino Potifela mudyavita wa Felo, muledi wa balami, mwine Edipito, wamupota ku kuboko kwa bene Ishemele, bo bamuletele monka.” (Ngalwilo 39:1) Mu bino bishima bityetye, mānga ya mu Bible itukwasha tumone muswelo wāfwijibwe bumvu uno nkasampe pa kupotejibwa monka. Wādi’nka bwa kintu kya kupoteja! Fwatakanya Yosefa ulonda mfumwandi mupya, mudyavita mwine Edipito, bapita mu bipito bya mu kibundi kiyule bantu ne bikwe, benda ku njibo kusa kukashikata Yosefa.
Nayo i njibo’ka! Ya muswelo mukwabo yādi keiyukilwe na Yosefa. Wātamine mu kisaka kya badi papa ke badi papa, bādi bashikete mu mapema mobadi bavilukaviluka koku balama luombe lwa mikōko yabo. Kuno kwaiya ko kwādi kushikata Potifela, mpeta mwine Edipito, muntu mutumbe, ku njibo ya katutu. Bafundi ba bintu bya kishiyekulu banena’mba Edipito wa kala wādi wa bumeni, mujokolokwe na madimi, mityi ya mató ne bijiba mumenene mbuba, maba (mbaata, makubwa), ne mityi mikwabo ya mu mema. Mobo amo a bantu ādi majokolokwe na madimi, ne lukungu (kibidi) papita luvula luyampe, madidisha makatampe, byumba bivule, kubadila’mo ne byumba bya kudīla’mo bikata ne mwa kwikala bengidi.
“Lelo Nkalonga Namani ne Buno Bubi Bukatampe Byamwiko Namino?”
Ketuyukilepo bivule bya mwādi mwikadile bifungo bya bene Edipito mu oa mafuku. Bafundi ba bintu bya kishiyekulu bātene masala a bifungo byabo—ādi melwe nsakwa ne tubyumba’mo kadi ne bikwabo bya panshi. Mwenda mafuku, Yosefa wātelelela’tu amba i mu “lubao,” kintu kilombola’mba i mudi mfindi fututu kadi mwa lufu. (Ngalwilo 40:15) Mukanda wa Ñimbo ya Mitōto witulombola’mba Yosefa wāsuswilwe, unena’mba: “Maulu andi basanshije ne bikulo; waelelwe mu nkano ya bilonda.” (Ñimbo 105:17, 18) Kyaba kimo bene Edipito bādi bakuta bakutwa mu bikulo byādi bikutyilwa muntu maboko panyuma mu kongweba; bikwabo byādi na nkano ya byuma mikapite mwishingo. Bine, Yosefa wāsusukile bibi—aye kulonga kibi mpika kyafwaninwe kususwilwa uno muswelo!
Kadi kutwanga nansha difuku dimo kete, kutupu. Nsekununi itulombola’mba Yosefa “wadi monka mu kifungo’mwa.” Wālongele myaka mivule mu kino kifuko kibi! Kadi Yosefa kādipo uyukile shi ukakutululwa nansha kukutululwa. Le i kika kyākweshe Yosefa aleke kuzoza ne kubulwa lukulupilo mu ano malwa adi difuku dimo, ke mayenga, kupwa ke myeji mulwi?
Nsekununi itupa malondololo a binebine amba: “Yehova wadi na Yosefa wamufwila lusa.” (Ngalwilo 39:21) Kekudipo nsakwa nansha bikulo, nansha lubao, lubwanya kukalakanya buswe bwa Yehova ku bengidi bandi. (Loma 8:38, 39) Tubwanya kufwatakanya musapwila Yosefa Shandi mulunda nandi wa mūlu mu milombelo malwa amutene ne mwatambwila ndoe ne kutūkijibwa mutyima, bitamba’nka kudi “Leza wa kusenga konso.” (2 Kodinda 1:3, 4; Fidipai 4:6, 7) Le i bika bikwabo byālongele Yehova kudi Yosefa? Tutanga’mba “wamutanya biyampe [Yosefa] mu meso a kalama ka kifungo.”
“Lelo Nkalonga Namani ne Buno Bubi Bukatampe Byamwiko Namino?”
Nsekununi itupa malondololo a binebine amba: “Yehova wadi na Yosefa wamufwila lusa.” (Ngalwilo 39:21) Kekudipo nsakwa nansha bikulo, nansha lubao, lubwanya kukalakanya buswe bwa Yehova ku bengidi bandi. (Loma 8:38, 39) Tubwanya kufwatakanya musapwila Yosefa Shandi mulunda nandi wa mūlu mu milombelo malwa amutene ne mwatambwila ndoe ne kutūkijibwa mutyima, bitamba’nka kudi “Leza wa kusenga konso.” (2 Kodinda 1:3, 4; Fidipai 4:6, 7) Le i bika bikwabo byālongele Yehova kudi Yosefa? Tutanga’mba “wamutanya biyampe [Yosefa] mu meso a kalama ka kifungo.”
Kukola Byabupeta bya ku Mushipiditu
it-2-F p. 445
Onani
(Onani) [dijina ditambile ku kishima kishintulula’mba “bukomo bwa lubutulo; bukomo buvulevule”].
Mwanā Yuda wa bubidi waābutwile na mwanā mwine Kenani witwa bu Shua. (Ngo 38:2-4; 1Bi 2:3) Ela tutwa Onani pa kufwa kwampikwa mwana pāmwipaile Yehova mwanda wa bibi byaādi ulonga, Yuda wānena Onani apyane Tamala mukaja Ela. Shi kwābutukile mwana, kādipo wa kwikala mwanā Onani, uno mwana umbedi wādi wa kwikala bu mpyana wa Ela; ino shi mpyana kamwekelepo, Onani wādi wa kupyana buno bupyani. Penepo Onani paādi ulāla na Tamala, “wādi umwanga mema a bwana-bulume pa nshi” pa kyaba kya kumupa’o. Onani kādipo wikaila ku ngitu ya bumvu, mwanda nsekununi inena’mba “paādi ulāla na mukaja mwanabo,” wādi umwanga mema a bwana-bulume pa nshi. Mobimwekela Onani kādipo usukwila mema andi a bwana-bulume mu ngitu ya bwana-bukaji ya Tamala. Onani kādipo wikaila ku ngitu ya bumvu, ino wābudilwe kikōkeji kudi shandi, wāikala na makomwa-meso, ne kufutulula mpango ya Leza itala busongi, penepa Yehova wāmwipaya, nandi wāfwa kwampikwa mwana.—Ngo 38:6-10; 46:12; Umb 26:19.
w04-F 15/1 p. 30 mus. 4-5
Bipangujo bya Batangi
Yuda wālongele bibi, mwanda wālaile Tamala amba ukamupa Shela amupyane, ino kupwa wāpela kumupa’ye. Kadi wālēle na Tamala na kulanga’mba i ndumba wa mu tempelo. Kino kekyādipo kikwatañene na mpango ya Leza ilombola’mba kusambakena pamo i enka kwa bantu besonge. (Ngalwilo 2:24) Na bubine Yuda kālēlepo na ndumba. Ino aye pampikwa kuyuka, wāyete kifuko kya wandi mwana Shela, wāpyana Tamala ne kubutula nandi lutundu.
Kilongwa kyālongele Tamala, kebwādipo busekese. Bandi bana ba mapasa kebāmwenwepo bu bana ba mu busekese. Boaza mwine Betelema pa kupyana Luta mwine Moabu, bakulumpe ba mu Betelema bānenene bintu biyampe bitala Peleze mwanā Tamala, bānena Boaza amba: “Njibo yobe ikale bwa njibo ya Peleze, obabutwidile Yuda kudi Tamala, ku lutundu lukakupa Yehova kupityila kudi uno nsongwakaji.” (Luta 4:12) Kadi Peleze ubadilwa mu mulongo wa bankambulula ba Yesu Kidishitu.—Mateo 1:1-3; Luka 3:23-33.
18-24 KWEJI 5
BYABULĒME BYA MU KINENWA KYA LEZA | NGALWILO 40-41
“Yehova Wanyongolola Yosefa”
w15-F 1/2 p. 14 mus. 4-5
“Mwene Kushintulula Bilotwa I kwa Leza?”
Padi mukata wa batuseya wāidilwe Yosefa, inoko Yehova kāmwidilwepo nansha dimo. Difuku dimo Felo wālota bilotwa bibidi bitulumuja. Mu kilotwa kibajinji, mulopwe wāmona bañombe bayampe basamba-babidi kadi banune babuka mu Munonga wa Nile, bālondwa na bañombe basamba-babidi batyani kadi banyane. Bañombe banyane’ba bāanza kudya bañombe banune. Kupwa mu kilotwa kya bubidi, Felo wāmona bisansa bya miseke bisamba-bibidi bilumbuluke bitamba ku katyi kamo. Ino wāmona monka tubisansa twa miseke tusamba-tubidi tutune kadi tusōkwe na kivula twātamba ke tudye bisansa bilumbuluke. Pa kukya lubanga, Felo wābuka muvutakanibwe ñeni na bino bilotwa, penepa wāityija bantu ba tunangu ne babitobo ba maleñanya mwanda wa bebishintulule. Ino bākomenwa. (Ngalwilo 41:1-8) Ketuyukilepo shi bākomenwe kya kunena, nansha shi bēpatenye mu binenwa, yeu unena byandi mukwabo nandi byandi. Nansha bikale namani, Felo wātyumukilwe mutyima bininge, mwanda wādi ukimba kuyuka nshintulwilo ya bilotwa byandi.
Mfulo mfulō mukata wa batuseya wāvuluka Yosefa! Mutyima wandi wa mundamunda wāmutopeka, wāsapwila Felo myanda itala nkasampe umo mukutwa wāshintulwile bya bine kilotwa kyandi ne kya mukata wa basōkanga mikate myaka ibidi kunyuma. Ponka na ponka Felo wāityija Yosefa mu kifungo.—Ngalwilo 41:9-13.
w15-F 1/2 p. 14-15
“Mwene Kushintulula Bilotwa I kwa Leza?”
Yehova usenswe bantu betyepeje kadi ba kikōkeji, o mwanda wāpele Yosefa nshintulwilo yākomenwe bantu ba tunangu ne babitobo. Yosefa wānena’mba bilotwa byonso bibidi bya Felo bidi na nshintulwilo imo yonka. Yehova pa kupa Felo kino kilotwa dibidi, wālombwele amba “uno mwanda i muningijibwe pototo” kadi ukafikidila bya binebine. Bañombe banune ne bisansa bya miseke bilumbuluke byādi byelekeja myaka isamba-ibidi ya bidibwa bivule mu Edipito, ino bañombe banyane ne tubisansa twa miseke tutune byādi byelekeja myaka isamba-ibidi ya nzala yādi ya kulonda myaka ya bidibwa bivule. Bidibwa byonso bya mu ntanda’ya byādi bya kupwa pa mwanda wa kino kipupo kya nzala.—Ngalwilo 41:25-32.
w15-F 1/2 p. 15 mus. 3
“Mwene Kushintulula Bilotwa I kwa Leza?”
Felo wālongela mungya binenwa byandi. Bukidi bonka wāvwika Yosefa bivwalwa bya bukonge bulumbuluke. Felo wāmuvwika kamuyololo ka olo, lumpete lwa kashé, wāmukandija mu dikalo ne kumupa lupusa lwa kunanga mu ntanda yonso ne kushilula mingilo. (Ngalwilo 41:42-44) Mu difuku dimo’tu, Yosefa wātamba mu buloko, wāikala mu njibo ya bulopwe. Lubanga wābuka bu mukutwa mupēlulwe, ino kyolwa wālāla bu muludiki wa bubidi ulonda Felo. Bine, kino kyālombwele amba Yosefa wādi na lwitabijo mudi Yehova Leza! Yehova wāmwene bukondame bonso bwādi bulongelwa mwingidi wandi mu bula bwa myaka. Wāpwijije buno bukondame pa kitatyi kifwaninwe ne mu muswelo muyampe. Yehova kādipo usaka’nka kupwija bibi byobālongele Yosefa, ino i ne kulama muzo wa Isalela mu mafuku ādi a kwiya’ko. Tukamona mobyāikadile mu kishinte kikwabo kya mu bino bishinte.
Kukola Byabupeta bya ku Mushipiditu
w15-F 1/11 p. 9 mus. 1-3
Lelo Wadi Uyukile Kala?
Mwanda waka Yosefa wētendele bidi kumeso kwa kukemona na Felo?
Mungya nsekununi idi mu Ngalwilo, Felo wāletele musoñanya wa kukalupula bukidibukidi Yosefa mukutwa Muhebelu mu buloko, mwanda wa kumushintulwila bilotwa byandi byāmuvutakenye ñeni. Mu kino kitatyi, Yosefa wādi ke mulonge myaka mivule mu buloko. Nansha Felo byaāmwityije bukidibukidi, Yosefa wētendele bidi. (Ngalwilo 39:20-23; 41:1, 14) Mulembi pa kutela ino myanda imweka bu yampikwa mvubu, kino kilombola’mba wādi uyukile bibidiji bya bene Edipito.
Mu mizo mivule ya kala, byādi byendele’mo kuleka kutenda myevu, kubadila’mo ne Bahebelu. Inoko, “bene Edipito ba pa kala, ye muzo umo kete wa kutunduka wādi upela kulama myevu,” mo munenena Cyclopedia of Biblical, Theological, and Ecclesiastical Literature ya ba McClintock ne Strong.
Le bādi betenda’nka myevu kete? Dipepala Biblical Archaeology Review dilombola’mba bibidiji bimo bya bene Edipito byādi bilomba muntu kwilongolola kumeso kwa kukemona na Felo pamo’nka bwa pa kukatwela mu tempelo. Pa kino, Yosefa wādi ufwaninwe kutenda nywene yonso ya ku mutwe ne ya pa ngitu.
Ikalai na Mwikadilo Mulumbuluke Bu Bengidi ba Leza
14 Bambutwile bakaminwe Leza ba pa kala bāfundije babo bana myanda ya pa kitako ya mwa kwikadila na bulēme ku njibo. Tala muswelo wēsambile ba Abalahama ne Isake mwanandi na bulēme, utanwa mu Ngalwilo 22:7. Bufundiji buyampe bwa bambutwile ba Yosefa i bumweke ne mubyāmufikile. Paādi mu kifungo, wādi ulēmekele bakutwa nandi. (Ngal. 40:8, 14) Binenwa byandi kudi Felo nabyo bilombola amba wāfundijibwe muswelo muyampe wa kwisamba na bantu badi pa bitenta.—Ngal. 41:16, 33, 34.
25-31 KWEJI 5
BYABULĒME BYA MU KINENWA KYA LEZA | NGALWILO 42-43
“Yosefa Walombola Kwīfula Kukatampe”
w15-F 1/5 p. 13 mus. 5
“Le Ami Ndi pa Kyaba kya Leza?”
Le Yosefa wālongele’po namani? Wāyukile banababo ponka na ponka! Kadi pa kwibamona bamufukatyila, wāvuluka myanda ya pa bunkasampe bwandi. Nsekununi itulombola’mba “ponkapo Yosefa wāvuluka bilotwa byāebalotēle,” bilotwa byāmupele Yehova paādi ukidi nkasampe, bine byādi bilombola’mba kudi kitatyi kikamufukatyila banababo, enka na mobyāfikidile pano! (Ngalwilo 37:2, 5-9; 42:7, 9) Le i bika bisa kulonga Yosefa? Le usa kwibapamba bīpa’ni nansha usa kwibalwija kinongo?
w15-F 1/5 p. 14 mus. 1
“Le Ami Ndi pa Kyaba kya Leza?”
Padi ino myanda keyakutene. Inoko dyalelo mu bisaka bivule mudi ñuma ne nkalañani. Shi tubatanwa na ino myanda, mutyima wetu ubwanya kwitudimba, twalonga bintu pampikwa kulanga. I biyampe kwiula Yosefa na kujingulula muswelo witusakila Yehova tupwije myanda’ya. (Nkindi 14:12) Nansha byobidi biyampe kwikala mu ndoe na ba mu kisaka, ino vuluka’mba kwikala mu ndoe na Yehova ne wandi Mwana kyo kintu kya mvubu kutabuka.—Mateo 10:37.
w15-F 1/5 p. 14 mus. 2
“Le Ami Ndi pa Kyaba kya Leza?”
Yosefa wātompele banababo misunsa mivule mwanda wa kuyuka bidi mu mityima yabo. Wāshilwile kwisamba nabo na bulobo, muntu mukwabo ushintulula, wēbalambika’mba i bāye kubela ntanda. Abo pa kusaka kwibingija, bāmulombola myanda itala kyabo kisaka, kupwa bāmulombola ne mwanda mukatampe utala nkasabo mukala ushele kwinjibo. Yosefa wālonga bukomo bwa kufya nsangaji yandi. Nanshi nkasandi ukidi mūmi? Penepa Yosefa wāyuka kya kulonga. Wēbanena’mba: “Nsa kwimutompa namino,” kadi wēbanena’mba bafwaninwe kwiya na uno mukala wabo. Wēbanena bende bakasele mukala wabo, ino umo ashale mukutwe mu kifungo.—Ngalwilo 42:9-20.
it-2-F p. 50 mus. 4
Yosefa
Kukwatañana na ino myanda yēbatene, banababo na Yosefa bāshilula kumona’mba i mfuto yebapa Leza pa mwanda wa mwanabo obāpoteje bu umpika. Bētopeka ku meso a mwanabo, mwine obādi kebayukile. Pa kwivwana binenwa byabo bya kwisāsa, Yosefa wāivwana kinku, wātaluka’po, wākadidila kufula. Aye pa kujoka, wāela Shimioni mu kifungo kufika ne byobakāya na mwanabo mukala.—Ngo 42:21-24.
Kukola Byabupeta bya ku Mushipiditu
it-2-F p. 835
Lubeni
Lubeni wāmwekeje ngikadila miyampe kitatyi kyaānenene banababo bele Yosefa mu kīna mūmu pa kyaba kya kwimwipaya, wādi ukimba kujokela’ko mu bufyafya, amwabule’mo ne kumupandija. (Ngo 37:18-30) Myaka 20 ne musubu pa kupita’po, bano banababo pobādi belanguluja’mba kyobebalambikila bu batubedibedi mu Edipito i mwanda wa Yosefa obālonge bibi, Lubeni wēbavulwije amba aye kādipo mu nkuku yobākutyīle Yosefa. (Ngo 42:9-14, 21, 22) Kadi Yakoba pa kupela bende na Benjemani mu Edipito mu lwendo lwabo lwa bubidi, Lubeni wānenene amupe bandi bana babidi bu kyeya, wāmusapwila’mba: “Ubwanya [kwibepaya] shi [nkikujokejejepo Benjemani].”—Ngo 42:37.
Myanda Mikatampe ya mu Mukanda wa Ngalwilo—II
43:32—Mwanda waka kudya pamo na Bahebelu kyādi kya munyanji ku bene Edipito? Padi nakampata i pa mwanda wa mfwatakani ya mutōtelo nansha mitatulo ya musaka. Bene Edipito bādi kadi bashikilwe bakumbi. (Ngalwilo 46:34) Mwanda waka? Bakumbi bādi padi babadilwa mu kisumpi kya bantu batupwaipwai ba bitupu mu byepelo bya bene Edipito. Nansha i mwanda kebādipo na ntanda mikata ya kudima, o mwanda bene Edipito bādi bafutulula boba bakimba madyo a ñombe yabo.