Lwimbo 150
Mukate Mutūke Mūlu
1. Tata wetu wa mūlu
Abe kwalamukangapo.
Tutumbija dijina
Dyobe, twimba mitendelo.
Pa kala wākunkwije
Bene Isalela.
Wēbadishishe mana
Pobādi na nzala.
Wātambije ne mema
Mu mwala bāpwibwa kyaka;
Wēbatwala mu ntanda
Ya Kenani bāsangala.
2. Oa mana i kifwa
Kya obe Mwana wa bunka.
Wāshile ntumbo mūlu.
Wāiya kukūla ntanda.
Ye ye mukate mwine
Utambile mūlu.
Wapāna ngitu yandi
Amba mfwile bantu.
Tudyei mukate uno
Witupele Tata Leza.
Twiudyei dyuba dyonso.
Mwa kwikadila batōka.
3. Mukate wiya mūlu
I kyabuntu ku “mikōko.”
Tutwale ku ba nzala
Myanda miyampe ya ntumbo.
Tukwashei bantu netu
Bakimba boloke.
Twibakwashei amba
Nabo bepandije!
Pakapwa bobwa bulwi
Bwitwa bu Amakedona,
Tukatendela Leza
Mwanda wa byandi bilongwa.