KIFUNDWA 14

Balunda na Leza Kebaloñangapo Bibi

Satana utompanga bantu balonge bibi. Muntu usaka kwikala mulunda na Leza ufwaninwe kushikwa bintu byobashikilwe kudi Yehova. (Mitōto 97:10) Ivwana bintu bimobimo byepukanga balunda na Leza:

Mu bintu bishikilwe Yehova mudi ne busekese, bunkolwankolwa, kupulumuna dīmi, bwivi, kubepa, kalobolobo, ne makayo a kwidya bintu

Bubi bwa Busekese. “Kokalāla makoji, mhm.” (Divilu 20:14) Kusambakena pamo na muntu okemwetundaile nandi nako i kubi.—1 Kodinda 6:18.

Bunkolwankolwa. “Bakukolwakolwa . . . kebakapyanapo bulopwe bwa Leza, mhm.”—1 Kodinda 6:10.

Kwipayañana, Kupulumuna Dīmi. “Kokepayañana, mhm.”—Divilu 20:13.

Bwivi. “Kokeba, mhm.”—Divilu 20:15.

Bubela. Yehova ushikilwe “ludimi lwa bubela.”—Nkindi 6:17.

Bukalabale ne Bulobo bwa Bulobelobe. “[Yehova] usikilwe . . . yewa uswele lususu.” (Mitōto 11:5, BB) “Mīngilo ya ngitu i . . . ne bukalabale.”—Ngalatea 5:19, 20.

Makayo a Kwidya Lupeto. “Kemukinangai na muntu . . . wakudimba.”—1 Kodinda 5:11.

Kushikwa Misaka ne Tubila Tungi. “Sanswai bakwimushikwa, ne bakwimumweshamwesha malwa nabo mwikale kwibalombelelapo.”—Mateo 5:43, 44.

Bintu bitusapwila Leza i bya kwitusakila biyampe. Divule, kwepuka kulonga bintu bibi kekupēlangapo. Ino na bukwashi bwa Yehova ne bwa Batumoni bandi, ukokeja kwepuka kulonga bintu bifityija Leza mutyima.—Isaya 48:17; Fidipai 4:13; Bahebelu 10:24, 25.