Wisambile pa Bitele’ko Bantu Mutyima

Byālongele Yesu

VIDEO: Yesu ne Mwana-Mukaji ku Mushimwa

1. Tala VIDEO, nansha kutanga Yoano 4:6-9. Kupwa londolola bino bipangujo:

1. I bika byātadile Yesu kudi mwana-mukaji kumeso kwa kushilula mīsambo?

2. Yesu wānenene amba: “Mpe’ko mema a kutoma.” Mwanda waka uno wādi muswelo muyampe wa kushilula mīsambo?

Ñeni Yotuboila Kudi Yesu

2. Tubwanya kushilula mīsambo miyampe na muntu shi tushilule na kwisambila pa bintu byatele’ko mutyima.

Iula Yesu

3. Ikala muntu upēlelwa kushinta. Kokakimba kushilula mīsambo enka na mwanda owadi uteakenye. Shilula na mwanda ulangulukila’po bantu bakwabo mu kine kitatyi’kya. Wiipangule amba:

1. ‘I bika bīsambilwa’po mu mapya?’

2. ‘Le i bika bīsambila’po balondakani, bengidi-nami, nansha bakwetu ba ku masomo?’

4. Tadija. Wiipangule amba:

1. ‘I bika bilonga muntu pano? Le i bika padi byalangulukila’po?’

2. ‘Lelo bivwele muntu, mumwekelo wandi, nansha njibo binombola bika pa nkulupilo nansha bibidiji byandi?’

3. ‘Le kino i kitatyi kiyampe kwisamba nandi?’

5. Teja.

1. Kokinena bivule.

2. Kankamika muntu esambe. Shi i byendele’mo, mwipangule bipangujo.