MUSWELO WA KULONDELELA KUSANGELA
KIFUNDWA 7
Takamana
Musoñanya: “Baendelele ne kuleka’byo mpika kufundija ne kusapula . . . myanda miyampe.”—Bil. 5:42.
Byālongele Polo
1. Tala VIDEO, nansha kutanga Bilongwa 19:8-10. Kupwa londolola bino bipangujo:
Le pa kyaba kya kuleka’byo pobāmulwile kudi bantu bamo, i muswelo’ka wātakamene Polo mu kukwasha boba bālombwele kusangela?
I misunsa inga yājokele Polo mwanda wa kufundija boba bālombwele kusangela, ne wālongele’byo mu bula bwa bitatyi binga?
Ñeni Yotuboila Kudi Polo
2. Bilomba kitatyi ne bukomo pa kulonga kujokela’mo kuyampe ne kushilula bifundwa bya Bible.
Iula Polo
3. Jadika mpangiko yobe na ya muntu’wa. Wiipangule amba: ‘Lelo i kitatyi’ka kiyampe kyombwanya kumutana? Le i kitatyi’ka ne kwepi kwabwanya kusangela twisambe nandi?’ Itabija kukamupempula nansha shi kitatyi kyasaka kekikwatañenepo na kyobe.
4. Mwilayei difuku ne nsá. Ponso pomuvuya kwisamba, longa bukomo bwa kwilaya na muntu’wa kitatyi kiyukane kyomubwanya kukesamba nandi monka. Longa bukomo bwa kulēmeka kilaeno.
5. Ikala nyeke na kikulupiji. Kokapēlakana kulanga’mba muntu otana ku njibo na dimodimo nansha otana divule na bya kulonga, kasangedile’byopo. (1 Ko. 13:4, 7) Longa bukomo bwa kukamona muntu’wa, koku wielela’ko kwingidija senene kitatyi kyobe.—1 Ko. 9:26.