Malondololo Ku Bipangujo Bimanine Pa Bible
Lelo i bika bitengele bantu kumeso’ku?
Lelo lufu lwa yesu i lulengeje namani kwikale kisaka kya bantu betēle mutyima umo ku mukwabo?
Na bubine bantu bakendelela kulonga bintu bya busendwe. Ino le babwanya na bukomo bwabo kubunda’ko kisaka kya bantu betele mutyima bya binebine umo ku mukwabo? Aa. Dyalelo, ntanda i miyule mutyima wa kwisakila ne makomwa-meso. Inoko, Leza i mulaye’ko bintu bilumbuluke ku kisaka kya muntu.—Tanga 2 Petelo 3:13.
Kinenwa kya Leza kilombola kisaka kya ntanda yonso kya mu mafuku a kumeso mwine mukesanswa bantu umo ku mukwabo. Bantu bakekala na mutyima-ntenke kadi kekukekalapo muntu nansha umo wa kwibasanshija.—Tanga Mika 4:3, 4.
Lelo mutyima wa kwisakila ukatalulwa’ko namani?
Leza wāpangile muntu mubajinji pampikwa ngikadilo yo-yonso ya kwisakila. Inoko, pa kuleka kukōkela Leza, muntu mubajinji wājimije bubwaninine. Twibapyane ngikadilo ya kwisakila kwadi. Ino Leza ukengidija Yesu pa kujokeja bantu ku bubwaninine.—Tanga Loma 7:21, 24, 25.
Kukwatañana na kiswa-mutyima kya Leza, Yesu wāfwile bu kitapwa ne kutalula’ko bipa bibi byalupukile ku kubulwa kikōkeji kwa muntu mubajinji. (Loma 5:19) Mu uno muswelo, Yesu wālengeje kwikale būmi bwa kumeso bwa kutendelwa pakanyongololwa bantu ku mutyima wa kwisakila wa kulonga bibi.—Tanga Ñimbo 37:9-11.