Lelo I Bika Binena Bible?

Lelo Leza ye ulengeja masusu?

Le abe amba namani?

• En-en

• Aa

• Padi

Binena Bible

“Leka! Leka! Leka! kulampe kwine, Leza kalongapo bibi; kadi ku Mwinebukomobonso alonge bukondame.” (Yoba 34:10) Leza kaletangapo nansha dimo bibi ne masusu byotumona pano pa ntanda.

Le i bika bikwabo byotwifunda mu Bible?

• Satana Dyabola, “mulopwe wa ino ntanda,” ye mwine ulengeja masusu.​—Yoano 14:30.

• Kukwabo kutambanga masusu ne bibi i ku bubi butonga bantu kulonga.​—Yakoba 1:14, 15.

Lelo masusu akapwa?

Bamo bakulupile amba bantu babwanya kupwija masusu kupityila ku bukomo bobalongela pamo, koku bakwabo nabo amba ntanda kulumbuluka’yo i mwanda mukomo. Le ulanga’po namani?

Binena Bible

Leza ukafundula’ko masusu. “Lufu kelukekala’kopo dikwabo, nansha madilo nansha miyoa nansha misanshi mine keikekala’kopo monka.”​—Kusokwelwa 21:3, 4.

Le i bika bikwabo byotwifunda mu Bible?

• Leza ukengidija Yesu pa kutalula’ko masusu akolomwene Dyabola.​—1 Yoano 3:8.

• Bantu bayampe bakekala nyeke mu ndoe pano pa ntanda.​—Ñimbo ya Mitōto 37:9-11, 29.