Lelo Leza wiivwananga namani pa masusu osusuka?

Bantu bamo bakulupile amba Leza keamwenepo nansha dimo kadi katele’kopo mutyima.

TALA BYOBYA BINENA BIBLE

• Leza wiamwene kadi utele’ko mutyima

  “Yehova wāmona’mba bubi bwa muntu bubapite bukatampe pano pa ntanda . . . , kadi mutyima wandi wāmufīta fututu.”​—Ngalwilo 6:5, 6.

• Leza usa kupwija masusu onso

  “Kubashala kakitatyi katyetye’tu, babi kebakekala’kopo monka; ukatala pobādi, kebakekala’popo. Ino betyepeje bakapyananga ntanda, kadi bakaloelelwanga bininge mu bungibungi bwa ndoe.”​—Ñimbo ya Mitōto 37:10, 11.

• Byobya bikusakila Leza

  “‘Mwanda ndyukile biyampe milangwe yonemulangila,’ i Yehova unena, ‘milangwe ya ndoe, ke ya kyamalwapo, mwanda wa kwimupa būmi bwa kumeso ne lukulupilo. Mukangitanga kadi mukāya ne kulombela kondi, nami nkemwivwana.’”​—Yelemia 29:11, 12.

  “Fwenai kudi Leza, nandi ukemufwena.”​—Yakoba 4:8.