Lelo I Bika Binena Bible?

Lelo kukekala ndoe pano pa ntanda?

Le abe amba namani?

• En-en

• Aa

• Padi

Binena Bible

Mu buludiki bwa Yesu Kidishitu, kukekalanga “bungibungi bwa ndoe, poso kweji akajimankane”​—ko kunena’mba nyeke ne nyeke.​—Ñimbo ya Mitōto 72:7.

Le i bika bikwabo byotwifunda mu Bible?

• Bantu babi bakatalulwa’ko pano pa ntanda, ino bantu bayampe “bakēsangaja mu bungi bwa ndoe.”​—Ñimbo ya Mitōto 37:10, 11.

• Leza ukatukija mavita onso.​—Ñimbo ya Mitōto 46:8, 9.

Le bibwanika kwikala na ndoe ya mutyima dyalelo?

Bamo bakulupile . . . amba kebibwanikapo kwikala na ndoe ya mutyima mu ino ntanda muyule masusu ne bukondame. Le ulanga’po namani?

Binena Bible

Nansha ke dyalelo, boba badi pabwipi na Yehova babwanya kwikala na “ndoe ya Leza itabukile milangwe yonso.”​—Fidipai 4:6, 7.

Le i bika bikwabo byotwifunda mu Bible?

• Leza i mulaye kutalula’ko masusu ne bukondame, ne kulonga “bintu byonso ke bipya.”​—Kusokwelwa 21:4, 5.

• Tubwanya kwikala na ndoe ya mutyima na “kwifunda myanda ya Leza.”​—Mateo 5:3.