Tuteakanyei Kivulukilo

Lelo bonso, kubadila’mo ne muneni, i bayukijibwe nsaa ne kifuko kikalongelwa’ko Kivulukilo? Lelo muneni i muyuke amba kuno kupwila kekufwaninwepo kupita pa minite 45?

Lelo ketudi batonge kala muntu ufwaninwe kukaleta mukate ne vinyu? (Tala Kiteba kya Mulami kya 15 kweji 2, 1990, paje 16-18, Falanse.) Lelo kemudi batonge kala muntu ufwaninwe kulongolola meza senene ne kwalapo kisandi kya dyangi, ne kuteakanya buvule bubwane bwa bilaudi ne masani?

Lelo mwibateakanye kukakomba mu Njibo ya Bulopwe kumeso ne pa kupwa kwa Kivulukilo? Lelo kemudi kala batonge bakukatundaila bēni ne bakukapityija mukate ne vinyu? Lelo mwakwete mpangiko ya kwibunga bidi na bano batutu mwanda wa kwibashintulwila mingilo yabo? I muswelo’ka ukalongwa mwanda wa mukate ne vinyu bikapite mu makasa a bonso?

Lelo mwateakenye mpangiko mwanda wa kukwasha batutu ne bakaka banunu nansha ba bulema, nabo bakatanwe ku Kivulukilo? Shi kaka nansha tutu mushingwe-māni udi mu butanda ubela ne kadipo na muswelo wa kwiya kutanwa ku Kivulukilo, lelo mwibateakanye kulonga bukomo mwanda wa kwenda kukapityija mukate ne vinyu kumeso andi?