Lelo Tukapāna Dibuku Créateur?

Mwaka wapityile’u, batwe bonso twasangele pa kutambula dibuku Y a-t-il un Créateur qui se soucie de vous? I dibuku dilupwidilwe nakampata boba bakubulwa kwitabija mudi Leza nansha byobafundile bivule mu myanda ya ino ntanda. Dino dibuku didi na myanda mivule.

Misunsa mivule, dibuku dipānwanga pa kweji dikalanga dibuku dibwanya kutenga bantu bavule pano pantanda. Ino lelo kino kishintulula’mba tufwaninwe kuleka kupāna dibuku Créateur? Mhm! Dino dibuku dikokeja kupānwa kitatyi kyo-kyonso mu mwaka, ku bantu bakubulwa kwitabija mudi Leza ne kadi babwanya kumwena’mo biyampe. Dibwanya ne kupebwa ku bantu betabije mudi Leza abo’ko bampikwa kupotolola bumuntu bwandi, ngikadilo yandi ne mpango yandi. Shi ke pano, abetukankamika kwidipaika mu sakoshi wetu wa busapudi ne kwikala na kampeja-bukidi ka kupānina’dyo ponso potumona muntu usangela kwiditanga.