Malondololo ku Bipangujo Byenu

◼ Lelo kipwilo kifwaninwe kulamika kalata kalombola mwaba wabo mu Njibo ya Bulopwe?

I amo, kalata kalombola mwaba wa kipwilo kafwaninwe kutūlwa mu kadelema ne kulamikwa ku lubumbu mu Njibo ya Bulopwe. Kalata kekafwaninwepo kulamikwa ku tabulo wa misapu. Kafwaninwe kulombola mikalo yonso ya mwaba upelwe kipwilo ne mikalo ya myaba ipebwa muntu ne muntu ne manimelo a myaba’ya. Mikalo ya mwaba onso wa bipwilo bingidija Njibo imo yonka ya Bulopwe ifwaninwe nayo kulombolwa. Kino kikakwasha basapudi ne boba basangela musapu kuyuka i mu mwaba wa kipwilo’ka mobashikete. Kulombola bifuko bipwidilwa’po Kifundwa kya Kitabo kya pa Kipwilo pa kalata nako kukakwasha umo ne umo ayuke i kwepi kudi kifundwa kya kitabo kyatuminwe’ko. Kalata kafwaninwe kusendululwa shi kabashinta.

Ne kadi kulombola kalata kukavuluja basapudi bonso amba bafwaninwe kwikala na mwaba wa wandi wa wandi. Kalata kakwashanga ne boba basaka kwitongela mwaba wa kubwipi na kwabo. Kino kibwanya kukūla kitatyi ku kupwila kwa kwenda mu busapudi, na kukwasha mwendeji atume kisumpi kya basapudi bukidi bonka mu kifuko mobatuminwe kukasapula.

Kalata kalombola kadi amba kipwilo i kilongololwe mwa kusapwila musapu wa Bulopwe mu mwaba onso okipelwe.​—Luka 9:6.