Myanda Yakutengele mu Bande wa Video La Bible : une force dans votre vie
Polondolola bino bipangujo bilonda’ko, lombola bintu byakutengele ku mutyima mu musapu udi mu uno bande wa video. (1a) I bukomo’ka bulengeje bantu bavule balamune būmi bwabo ke bulumbuluke? (Bah. 4:12) (1b) Pa kwikala na buno bukomo ne kwingidija’bo mu būmi bwetu tufwaninwe kulonga namani? (2) Le i bisonekwa’ka bya mu Bible byatelelwe mwanda wa kukwasha besongele (a) balumbulule mīsambo yabo ne (b) bebeje mu ngikadilo yabo? (3) Muswelo umwene bene Kidishitu busongi ulumbululanga būmi bwa kisaka namani? (Ef. 5:28, 29) (4) I muswelo’ka uletele’ko Yehova kifwa kibwaninine pa kupa bana bintu bisatu byobasaka kadi byobafwaninwe kwikala nabyo, ne bambutwile nabo bakokeja kumwiula namani? (Mako 1:9-11) (5) Mwanda waka bambutwile bafwaninwe abo bene kufundija babo bana Bible, kadi i kika kilombola amba i kiyampe kwibafundija kitatyi ne kitatyi? (Kup. 6:6, 7) (6) Bambutwile bakokeja kulonga namani kifundwa kya kisaka kikale kisangaja? (7) Kutalula’mo kifundwa kya Bible, i bika bikwabo binenwe mu Kinenwa kya Leza bifwaninwe bambutwile kupa babo bana? (8) Madingi a mu Bible abwanya kukwasha bisaka namani biyuke kuleya biyampe kamukōlo kobadi nako? (9) I misoñanya’ka ya mu Bisonekwa ikokeja kutyepeja’ko byaka bya misongo shi twiilonda? (10) Misoñanya idi mu Kinenwa kya Leza i myalamune būmi bobe namani? (11) Mwanda waka kubandila uno bande wa video na muntu opempulanga mu mwingilo kukokeja kumukankamika etabije kifundwa kya Bible?