Bible​—Lupusa Lwandi mu Bobe Būmi

Bible i mulengeje bantu bavule bālamune būmi bwabo ke bulumbuluke. I misoñanya’ka le imo ya mu Bible, shi twiilonde, iketukwasha tunekenye makambakano etutana ano mafuku? Bine, ukasangala kutana malondololo a kino kipangujo na kubandaula video wa bubidi unena’mba La Bible : une force dans votre vie (Bible​—Lupusa Lwandi mu Bobe Būmi) udi mu dishike dya DVD dinena’mba La Bible : un livre historique et prophétique (Bible​—Dibuku dya Manga ne Bupolofeto). Pa kupwa kutala uno video, le ubwanya kulondolola bino bipangujo?

(1) Mwanda waka Bible ke kitabopo tu kya bitupu? (Bah. 4:12) (2) Shi Bible ubwanya kulumbulula būmi bwabo, mwanda waka bantu balwa na makambakano mavule uno muswelo? (3) Le i mutwe wa mwanda’ka mukatampe wisambilwe’po mu Bible? (4) I bisonekwa’ka bya mu Bible byatelelwe mwanda wa kukwasha besongele (a) balumbulule mīsambo yabo ne (b) bebeje mu ngikadilo yabo? (5) Muswelo umwene Bene Kidishitu busongi ulumbululanga būmi bwa kisaka namani? (Ef. 5:28, 29) (6) I muswelo’ka uletele’ko Yehova kimfwa kibwaninine ku bambutwile? (Mako 1:9-11) (7) Bambutwile babwanya kulonga namani kifundwa kya kisaka kikale kisangaja? (8) Kutalula’mo kifundwa kya Bible, i bika bikwabo binenwe mu Kinenwa kya Leza bifwaninwe bambutwile kupa babo bana? (9) Madingi a mu Bible abwanya kukwasha bisaka namani biyuke kuleya kamukōlo kobadi nako? (10) I misoñanya’ka ya mu bisonekwa itala butōki, bitomibwa bikolwañana ne njia ikokeja kutyepeja’ko misongo shi twiilonda? (11) Le i milao’ka ya mu Bible ikokeja kwitukankamika? (Yoba 33:25; Mit. 145:16) (12) Bufundiji budi mu Kinenwa kya Leza i bwalamune būmi bobe namani? (13) Le ukokeja kwingidija namani uno video mwanda wa kukwasha bakwabo?