Tala lupusa ludi na Bible!

Kwilutala namani? Na kubandila bande wa video La Bible: Une force dans votre vie. Ye bande wa busatu mu mabande aselele mutwe wa mwanda umo unena’mba La Bible: Un livre historique et prophétique.

Lelo musaka busongi bwenu bwikale bulumbuluke? Le usaka bukwashi bwa kukupandija mu bitatyi bibibibi? Bankasampe bakokeja namani kufikila pa bu bantu batame beselela abo bene biselwa? Pa kino, Bible ubwanya kwimukwasha, mo mulombwela uno bande wa video. Usa kwivwana’mo bantu batela bintu biyampe byebalupwidile Bible mu būmi bwabo. Ivwana pobashintulula muswelo wibakwashanga misoñanya ya mu Bible, bayuka kunekenya makambakano a mu buno būmi.

Uno bande wa video i kingidilwa kya mvubu mpata kya kukwasha nakyo bantu basangedile musapu panopano nabo bayuke byabuyabuya bimwenwanga mu kulonda Kinenwa kya Leza bu kalombwe ka mu būmi bwabo. Ano mabande La Bible: Une force dans votre vie, Sosiete udi nao mu kibīko. Ukokeja kulomba bande obe kupityila kudi mwingidi utala myanda ya mabuku mu kipwilo kyenu.