Les Témoins de Jéhovah : organisés pour proclamer la bonne nouvelle

Ke myaka 100 ne musubu, Batumoni ba Yehova i balongololwe mwa kusapwila myanda miyampe. Kano i kampanye kakatampe ka busapudi kekalongelwe kashā pano pa ntanda, mwanda pano tusapulanga uno musapu mu ndimi tutwa na tutwa ne mu matanda 230 ne kupita. (Mat. 24:14) Ino, mwanda waka uno mwingilo i wa mvubu? Ne wingilwanga muswelo’ka ntanda yonso? Video inena’mba Les Témoins de Jéhovah : organisés pour proclamer la bonne nouvelle, ilondololanga bino bipangujo na kushintulula kamo ne kamo ka mu bipindi palapala bya mu mwingilo wetu wingilwa mu mizo yonso. Pa kupwa kutala ino video, ta mutyima ku bino bipangujo:

Le ino video ibakukwasha namani ulombole kufwija’ko pa (1) bukomo bulonga bulongolodi bwa Yehova pa kusapula myanda miyampe? (2 Tem. 4:2) (2) bisaka bya Betele bidi koku ne koku pano pa ntanda? (3) bufundiji bufundijibwa bamishonele ne batadi? (2 Tem. 2:2) (4) mvubu ya kushilula difuku ne difuku na kubandaula kisonekwa kya Bible ne kuteakanya kupwila kwa pa kipwilo yenga ne yenga? (Bil. 17:11) (5) kamweno kadi mu kutanwa ku kubungakana kwetu kwa Bwine Kidishitu? (Bah. 10:24, 25) (6) Dyese dyokeselwa pakajokejibwa Paladisa pano panshi? (Is. 11:9) (7) Dyese dyodi nadyo dya kwendelela kwingila mwingilo wa mwangulo?—Yoa. 4:35.

Ino video i kingidilwa kilumbuluke kya kuyukija bantu basangela mwingilo wingila Batumoni ba Yehova ntanda yonso. (8) I kitatyi’ka kiyampe kifwaninwe kutadija ino video ku bifundwa byetu bya Bible, babutule, ne bakwabo? (9) Lelo bantu balongele’po namani pobatadile’yo?

Shi tulangulukile pa bintu bifikidija Yehova, tukafikila pa kwitabija binenwa bya mulembi wa mitōto bya amba: “Abe Yehova Leza wami bilongibwa byobe byo walongele bitendelwa i bya ntanda ne ntanda; kadi ne mifwatakanyo yobe nayo īdi padi bātwe: kebiyūkilwepo kubalwa biyampe kudi abe.” (Mit. 40:5) Nanshi twingidijei biyampe ino video mwanda wa kukwasha bakwetu nabo batamije kufwija’ko Yehova ne bulongolodi bwandi!