Mwa Kwisambila pa Kupāna Mapepala

Kiteba kya Mulami 15 Kweji 11

“Ketudi bevwane bantu banena amba ‘Yesu wētufwidile batwe.’ [Pita mu binenwa bya Yoano 3:16.] Lelo kasha kweipangwile amba lufu lwa muntu umo lukokeja namani kwitupandija batwe bonso? [Muleke akulondolole.] Bible uleta’po kilondololwa kipēla. Kino kishinte, ‘Jésus sauve : comment ‘ (Yesu Upandijanga​—⁠Namani?), kishintulula uno mwanda biyampe shē.”

Réveillez-vous ! 22 Kweji 11

“Lelo bantu baloñanga buninge bwabo bonso mwanda wa kulama bifuko bitujokolokele? [Muleke akulondolole.] Bantu bavule beipangulanga shi kwioba kwa bipangwa byakubulwa būmi na bipangwa byūmi pano pa ntanda kukendelela nyeke. Ino i kya dyese, mwanda Leza utele’ko mutyima. [Tanga Nehemia 9:⁠6.] Uno Réveillez-vous ! ulombola mukekadila būmi pano pa ntanda.”

Kiteba kya Mulami 1 Kweji 12

“Mu kino kitatyi kya mwaka, bantu bavule i bepāne mu kupāna bintu ne mu bilongwa bikwabo bilumbuluke. Kino kituvuluja Kijila Kitabukile Bulēme. [Tanga Mateo 7:12.] Lelo ulanga muntu ukokeja kulonda kino kijila mu mwaka onso mutuntulu? [Muleke akulondolole.] Dino dipepala dilombola myanda ilanguluja inenena pa ‘Kijila Kitabukile Bulēme​—⁠Lelo Kidi na Kamweno?’ ”

Réveillez-vous ! 8 Kweji 12

“Bible ulaile amba kudi difuku dimo dikatunya muntu kunena amba, ‘Nabela.’ [Tanga Isaya 33:24.] Kukwatañana na uno mulao, ino nimelo ya Réveillez-vous ! Imanine mpata pa musongo umo ukoleja midiyo ne midiyo ya bantu, bankasa ne batame bene kumo. Udi na mutwe wa mwanda unena amba ‘Maladies articulaires : des raisons d’espérer’ (Lukulupilo ku Babela Misongo ya Maningo a Mikupa).