Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 9

“Bantu midiyo ne midiyo bakulupile amba ‘basanto’ badi na bukomo bupite bwa bantu, ne amba i biyampe kulombela mu dyabo dijina. Abe ulanga’po namani? [Muleke akulondolole.] Ivwana mwānenene Yesu Kidishitu. [Tanga Yoano 14:6.] Pa kino, bamo beipangulanga shi binebine i kyendele’mo kulombela mu dijina dya ‘basanto.’ Kino Kiteba kya Mulami kisambila pa uno mwanda wa mvubu.”

Réveillez-vous ! 22 Kweji 9

“Bantu bavule dyalelo baselele mityima kūlu pa mwanda wa butumbula, kutentekela’po ne kusobolwa kwa mata aleta misongo. Lelo ulanga amba imbikalo ya bantu ikokeja kupwa butumbula mu ino ntanda? [Muleke akulondolole.] Bible ulombola kisaka kulonga’po Leza. [Tanga Ezekyele 34:28.] Uno Réveillez-vous ! wisambila pa myanda imoimo ya uno muswelo.”

Kiteba kya Mulami 1 Kweji 10

“Bantu bavule beipangulanga shi binebine tuno tuvutakanya twitujokolokele​—mavita, bupolapola, ne bunkuma-bibi bulenga nzuba​—tukapwanga. Abe ulanga’po namani? [Muleke akulondolole.] Ivwana kikulupiji kisenga pa mutyima kitupa’po Bible. [Tanga Mitōto 37:​10, 11.] Dino dipepala dishintulula mwanda waka Leza ukilekele bibi ne masusu obilenga.”

Réveillez-vous ! 8 Kweji 10

“Ino myaka bisaka bilelwa na mbutwile umo bibapite’byo kuvula. Bible ulombola amba Umpangi wetu udi na lusa pobadi. [Tanga Mitōto 146:9.] Uno Réveillez-vous ! ulombola muswelo ukokeja misoñanya ya Bible kukwasha bambutwile balela bana kasuku bekale kutamija biyampe babo bana.”