Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 9

“Bantu bavule batwejanga bino binenwa biyukane mpata mu milombelo yabo. [Tanga Mateo 6:10.] Le ulañanga’mba būmi bwadi bwa kwikala namani shi kiswa-mutyima kya Leza kyadi ke kilongeke mu byonso pano pa ntanda? [Muleke alondolole.] Dino dipepala dibandaula nshintulwilo ya kipindi ne kipindi kya ino milombelo ya Tata Wetu, kubadila’mo ne kino kipindi kyotwatanga’ki.”

Réveillez-vous ! 22 Kweji 9

“Bantu bavule batele mutyima ku makambakano a bankasampe enda avudila’ko​—atala mutomeno-mpata. Lelo nobe wivwananga uno mwanda? [Muleke alondolole. Kupwa tanga Nkindi 20:1.] Mutomeno-mpata utūlanga bankasampe mu byaka bivule. Uno Réveillez-vous ! udi na myanda ibwanya kwibakwasha bakomene mitabakano ya mutomeno mubi wa malwa malobo.”

Kiteba kya Mulami 1 Kweji 10

“Batwe bonso twabilanga mfulo ya bupolapola, butapani, ne divita. Lelo ulanga’mba bine tukamona kufikidila kwa ino myanda? [Tanga Mitōto 37:11. Kupwa muleke alondolole.] Dino dipepala disambila pa muswelo ukwatañene ino myanda na mpango imbajinjibajinji ya Leza itala bantu ne motubwaninya kukeisangela.”

Réveillez-vous ! 8 Kweji 10

“Lelo ke kya bulandapo pa kumona mwaka ne mwaka midiyo ne midiyo ya bansongwakaji bemita memi a pabo kwampikwa kusongwa? [Muleke alondolole.] Dino dipepala disambila pa bintu byobabwanya kulonga mwa kukomenena bikambija bivule bya kwikala inamwana koku ukidi nsongwakaji. Ne kadi dibandaula muswelo ubwanya bambutwile kukwasha babo bana bepuke kwimita kyaba kekyabwene.” Tanga 2 Temote 3:15.