Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 9

Tela mwanda wisambwa bininge mu kibundi. Kupwa ipangula’mba: “Le ulanga’mba uno vese wa mu Bible ulombola biyampe mwikadile kitatyi kyotudi’mo kino? [Tanga 2 Temote 3:1, kadi muleke alondolole.] Kino kishinte kinenena pa bubinga bulombola’mba tudi mu mafuku a mfulo kadi kilombola byotufwaninwe kulonga.”

Réveillez-vous ! Kweji 9

“Bantu bavule banenanga’mba twapangilwe. Bakwabo nabo amba twatambile ku kwalamuka kwa bintu. Le nobe ulanga’po namani? [Muleke alondolole.] Tala mwanda witukwasha tufule ku milangwe myoloke. [Tanga Yoba 12:7, 8.] Ino nimelo ya pa bula ya Réveillez-vous ! isambila pa ñeni yotukokeja kuboila ku tunangu ne ku bupunga bwa bintu bya kipangila.”

Kiteba kya Mulami 1 Kweji 10

“Befundi ba būmi bakimbanga kupwija misongo ne kulepeja’ko būmi bwetu. Le ulanga bikabwanika mwenda mafuku kukekala na būmi bwa nyeke? [Muleke alondolole.] Tala buluji botusakilanga enka kwikala’ko nyeke. [Tanga Musapudi 3:11.] Uno mulami ushintulula kine kyāpangile Leza muntu na mutyima wa kusaka kwikala’ko nyeke.”

Réveillez-vous ! Kweji 10

“Kubwipi kwa bantu bonso basangelanga kutala televijo. Ino le ulanga’mba tufwaninwe kutonga bintu bine byotutala? [Muleke alondolole. Kupwa tanga Nkindi 13:20.] Uno Réveillez-vous ! ulombola mwikadile televijo na lupusa potudi, kadi uleta milangwe ya mwa kukontolwela mutadilo otutala’yo.”