Ufwaninwe Kutala Uno Bande wa Video No Blood​—Medicine Meets the Challenge

Lelo upotolwele myundapilo ya kutonga mu myundapilo mivulevule idi’ko ya kundapibwa pakubulwa kwelwa mashi? Le ujingulwile mwikadile malawa amoamo a kupingakenya pa mashi ne moengidilanga? Tala uno bande wa video, utompe ne buyuki bobe na bipangujo bilonda kunshi’bi.​—Ta mutyima: Bambutwile bafwaninwe kwikala’po na bunwa pa kutala uno bande wa video na bana batyetye, mwanda mudi bipindi bimo bīpi bilombola bantu bapasulwa.

(1) I buluji’ka bukatampe bupelelanga Batumoni ba Yehova kwelwa mashi, ne uno musoñanya utanwa pepi mu Bible? (2) Pa myanda itala kundapwa, tusakanga bika? (3) I kyepelo’ka kibajinji kidi na bondapwa? (4) I kika kinenenwa amba kupela kwelwa mashi i kuyampe kadi o mulongelo ulombola amba yewa upela’ko i muntu muyuke kwiselela biselwa aye mwine? (5) Shi mashi atamba mavulevule, i bintu’ka bibidi bifwaninwe kupēlakana nabyo badokitele? (6) I byaka’ka bibwanya konakenya muntu būmi bidi mu kwelwa mashi? (7) I bingidilwa’ka bimobimo bilupwidilwe bapasudi bidi’ko bityepejanga kutamba kwa mashi pa kupasula? (8) I bintu’ka byofwaninwe kusapwilwa bitala malawa a kupingakenya pa kwelwa mashi? (9) Le mpasulo mikomo nansha mikutakane ikokeja kupasulwa bantu pampikilwa kwelwa’bo mashi? (10) Le bamuñanga benda bavudila’ko betabijanga kulongela Batumoni ba Yehova bika, ne i myundapilo’ka ikokeja kushala mwenda mafuku bu ya kulondela’po bamuñanga ku bondapwa bonso?

Bine, kutala uno bande wa video na befundi ba Bible bo-bonso, bene petu bakubulwa kwikala Batumoni, nansha balongo, bengidi netu, badimu, bakwetu ba ku masomo bepangula bipangujo pa mwimanino wetu mu myanda ya mashi, kekukabulwepo kwibakwasha. Kwitabija myundapilo yo-yonso ilombwelwe mu uno bande wa video i mwanda wa kwityibila muntu ne muntu aye mwine, mungya mumulombwela mutyima wandi wa mundamunda.​—Tala “Bipangujo bya Batangi” mu Kiteba kya Mulami kya 1 Kweji 7 ne kya 1 Kweji 11, 2000.