Malondololo ku Bipangujo Byenu

◼ Kitatyi kyotusapula ku telefone, lelo tufwaninwe kushintulula mpangiko ya kutūla byabuntu?

Kitatyi kyotusapwila muntu mpala na mpala, bikokejika kushintulula amba mwingilo wingila Batumoni ba Yehova wa kufundija bantu Bible ukwatakanibwanga onsololo na byabuntu bitūlwa pakubulwa nsengwa ne amba tusangalanga pa kutambula byabuntu bya uno muswelo. Inoko, shi tusapula ku telefone, kebifwaninwepo nansha dimo kutenga ku mpangiko ya byabuntu, shi bitupu, bantu bakafwatakanya amba i lulombo lwa ku telefone. Mwingilo wa Batumoni ba Yehova ke busungapo.​—2 Kod. 2:17.

◼ Kitatyi kyotusapula ku telefone, i kika kyotufwaninwe kulonga shi muntu wanena amba napele kadi Batumoni ba Yehova kungita ku telefone?

Tufwaninwe kulēmeka musakila muntu’wa. Kakanda kalembwe’po mafuku a Kweji ne dijina dya mwine upelele kwitwa’wa kafwaninwe kulamwa mu amvelope wa mwaba wenu mwanda wa kutyina amba basapudi baketa ku ino nimelo mu mafuku āya kumeso. Mulongo wa majina a bantu bapelele kwitwa ku telefone ufwaninwe kubandaulwa musunsa umo ku mwaka. Basapudi bapotolwele mwingilo, bayukile kunena na bunwa, bakokeja kupebwa na mutadi wa mingilo kukafikila bano bantu mwanda wa kusaka kuyuka milangwe yobadi nayo panopano.​—⁠Tala Malondololo ku Bipangujo Byenu mu Mwingilo Wetu wa Bulopwe wa Kweji 7, 1994.