Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 7

“Bavule badi na mutyima wa kwitolwela pa bunka. Lelo ulanga i biyampe kulonga namino? [Muleke akulondolole.] Tala madingi a tunangu a mwa kwikadila mu kipwano na bakwabo. [Tanga Musapudi 4:9, 10.] Dino dipepala disambila pa kisakilwa bungi ne muswelo wa kupwija makambakano a kwitolwela pa bunka.”

Réveillez-vous ! 22 Kweji 7

“Bantu bavule bakaminwe kusambakana kwasambakana kibidiji kya kutala badi mutaka. Lelo ulanga kino i kintu kifwaninwe kuta’ko mutyima? [Muleke akulondolole.] Madingi mafwaninwe atanwa mu Bible akokeja kwitukinga. [Tanga Efisesa 5:3, 4.] Dino dipepala dilombola muswelo wa kwikinga ku kino kyaka kya munshimunshi.”

Kiteba kya Mulami 1 Kweji 8

“Lelo uyukile amba mungya lapolo umo, bekadi ba ntanda kubwipi kwa 50 pa katwa badyanga bintu bya munshi mwa madolala 2 ku difuku? Le ulanga amba kudi kibwanya kulongwa mwanda wa kupwija kino kintu? [Muleke akulondolole.] Ino nimelo ya Kiteba kya Mulami ilombola kine kikapwija lonso bulanda monka mwikinenena Bible.”​—Tanga Mitōto 72:12, 13, 16.

Réveillez-vous ! 8 Kweji 8

“Mu ino myaka bimpengele bya malobe ne bimpumpu i bilete kyonakanya kikatampe ntanda yonso. Lelo ulanga i bika bikokeja kulongwa mwanda wa kutyepeja’ko masusu obileta? [Muleke akulondolole.] Dino dipepala disambila pa makambakano a malobe ne bimpumpu, ne pa muswelo ukapwa ano makambakano mungya mulombwela Bible.”​—Tanga Isaya 35:1.