Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 7

“Mu bula bwa tununu ne tununu twa myaka ya mānga, bantu i bavungulule nkulupilo ya miswelo ne miswelo. Le ulanga bibwanika kuyuka i yepi imo ya bine ne ya bubela nayo i yepi? [Muleke alondolole.] Dino dipepala dibandaula i kwepi kutanwa bufundiji bwa bine busangaja Leza.” Tanga 2 Temote 3:16.

Réveillez-vous ! 22 Kweji 7

“I kya bulanda pa kumona masusu aletele kino kimpengele. [Tela kimfwa kiyukene kwenu.] Le ulanga amba bimpengele bino bikendelela? [Muleke alondolole.] Dino dipepala dibandaula uno mwanda. Kadi dileta busengi ku boba bajimija baswe babo mu binkumbulu pamo bwa bino.” Tanga Yoano 5:28, 29.

Kiteba kya Mulami 1 Kweji 8

“Bantu bavule dyalelo balwanga na milangwe ya kwimona bu bambulwa mvubu. Le ulanga i bika bikokeja kulongwa mwanda wa kwibakwasha? [Muleke alondolole.] Dino dipepala dilombola muswelo ukokeja kwibakwasha Bible mwanda wa batane nsangaji ya bine.” Nena ukoma bisonekwa bidi na masomo matyite masendeke mu kishinte kinena amba “Bible Ubwanya Kukukwasha Utane Nsangaji ya Bine.”

Réveillez-vous ! 8 Kweji 8

“Bantu bavule badi na moyo wa endaenda. Molangila i bika bilengeja uno moyo? [Muleke alondolole.] Dino dipepala dileta milangwe mifwaninwe ibwanya kwitukinga ku byaka bivudile kulongeka. Kadi disambila ne pa mulao wa mu Bible wa ntanda yambulwa’mo moyo.” Tanga Isaya 11:9.