Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 7

“Shi kinkumbulu pamo na kino [kidi pa kibalu] kyadi kisapulwe mu misapu ya ano mafuku, longa bavule badi ba kupatana. Le nobe ulanga’po namani? [Muleke alondolole. Kupwa tanga Mako 4:39.] Le i bukamoni’ka budi’ko bulombola amba bingelengele bya Yesu byādi bya binebine? Kino Kiteba kya Mulami kibandaula uno mwanda.”

Réveillez-vous ! 22 Kweji 7

“Mu ntanda ya dyalelo, babipolapola bendelela na kukuta nkuku ya kudimba bantu bampikwa mambo. Lelo nobe utalwa na uno mwanda? [Muleke alondolole.] Uno Réveillez-vous ! wisambila pa kwikinga kumokumo kubwanya kwitukwasha tuleke kudimbwa.” Tanga Nkindi 22:3.

Kiteba kya Mulami 1 Kweji 8

“Muzo wa muntu byoudi mukalañane, bamo balañanga’mba muswelo umo kete wa kutūla’ko ndoe pano pa ntanda i enka kupityila ku umbikalo wa ino ntanda. Le nobe ulanga’mba uno mwanda ukokejija? [Muleke alondolole. Kupwa tanga Danyele 2:44.] Dino dipepala dibandaula kyokya kilonga Bulopwe bwa Leza pano ne muswelo obukaleta ndoe pano pa ntanda panopano ponka.”

Réveillez-vous ! 8 Kweji 8

“Batwe bonso tufitwanga pa kwivwana muswelo wingidijibwa bana bibi. Padi kodi ne mwiipangule’mba: ‘Lelo bine Leza wibatele mutyima?’ [Muleke alondolole. Kupwa tanga Mitōto 72:12-14.] Uno Réveillez-vous ! wisambila pa mwiivwanina Leza pa bana ne mwasa kunyongolwela lonso bonso basusulwa.”