Muswelo wa Kukwasha Bantu

Bene Kidishitu ba bine bendanga mu mwingilo wa patōkelela wa kusambakanya myanda miyampe. (Fid. 2:17) Pa kino, maboloshile amoamo a kyalwilo, matrakte, ne mabuku makwabo mu ndimi 20 keadi kala pa Entelenete mu ino adelese: www.watchtower.org. Dino Diteba dya Web keditūdilwepo mwanda wa kutumina Batumoni ba Yehova mabuku a panopano. Kitungo kyadyo i kya kutūdila bantu bonso musapu wa binebine wa mu Bible ufundijibwa na Batumoni ba Yehova.

Panenwa pano, i kubwejibwe kadi kintu kya bulēme mpata ku dino dyetu Diteba dya Web diyukane. I boloshile I Kika Kisaka Leza Kotudi? mu ndimi 220 ne kupita. Kadi, kushilwila pa Kiteba kya Mulami kya 1 Kweji 1 ne Réveillez-vous ! wa 8 Kweji 1, 2004, Kiteba kya Mulami ne Réveillez-vous ! mu ndimi yonso i bishilule kulombola adelese yetu ya Web pa dyani dya mfulo.

Le i muswelo’ka obwanya kwingidija kino kingidilwa? Ukokeja padi kwitana na muntu omona’mba usangedile musapu ino wivwana enka ludimi lungi. Shi nandi wingidijanga Entelenete, ubwanya kumufunkila ino adelese ya Web pa dyani dya mfulo dya Kiteba kya Mulami nansha dya Réveillez-vous ! Mu uno muswelo ukokeja kubandaula boloshile Kisaka Leza mu lwandi ludimi kufika ne pokajoka na mabuku a mu lwandi ludimi. Nansha kadi ukokeja kulomba kipwilo nansha kisumpi kinena lwandi ludimi kumujokela’mo.