Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 2

“Shi abakunena kutonga muntu wa kuludika ntanda, le ubwanya kutonga ani? [Muleke akulondolole.] Ino nimelo ya Kiteba kya Mulami ileta bubinga bulombola amba Meshiasa utongelwe na Leza ye ufwaninwe kuludika ino ntanda. Kadi ishintulula mukekadila buludiki bwandi pa bantu.” Tanga Isaya 9:6, 7.

Réveillez-vous ! Kweji 2

“Kudi baleza bavule batōtwa na bantu dyalelo. Inoko, ivwana byānene Yesu mu lulombelo lumo lwaālombele Shandi wa mūlu. [Tanga Yoano 17:3.] Shi kudi Leza umo enka wa bine, le bano baleza bakwabo nabo le? [Muleke alondolole.] Kino kishinte kilombola munenena’po Bible.” Wisambile pa kishinte kidi pa paje 28-29.

Kiteba kya Mulami 1 Kweji 3

“Bantu bavule betabije amba tufwaninwe kwiswa batwe bene na bene, monka mwānenene’kyo Yesu mu kino kisonekwa. [Tanga Yoano 13:34, 35.] Ino i kwepi kutanwa bantu balonda buno bufundiji bwa Yesu mu būmi bwabo? [Muleke alondolole.] Dino dipepala dilombola muswelo wa kuyuka Bene Kidishitu ba bine dyalelo.”

Réveillez-vous ! Kweji 3

“Buswe budi na kamweno pa kusaka twikale na nsangaji ne būmi buyampe. Ino bavule bene i bakomenwe kusokola buswe bwa bine. Mwanda waka kidi uno muswelo? [Muleke alondolole.] Pa kusaka’tu kusokola buswe bwa bine i biyampe kwifunda kulombola bakwetu buswe bwampikwa mwino. Dino dipepala dīsambila pa kino.” Tanga 1 Kodinda 13:4-7.