Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 2

“Bantu bamo basakanga kuyuka shi Leza i muntu udi’ko binebine. Bakwabo banena amba udi’ko; ino koku balanga amba udi kulampe bininge nabo. Lelo kodi nobe mwivwane bino? [Muleke akulondolole.] Ivwana kinenenwa amba kuyuka Leza bu muntu udi’ko binebine kudi na mvubu mpata. [Tanga Yoano 17:3.] Pa kino, usa kwimwena abe mwine musangeja bishinte bya ntwelelo bidi mu dino dipepala.”

Réveillez-vous ! 22 Kweji 2

“Le ulanga amba Leza usangalanga pasusukanga bantu, kubadila’mo ne bana batyetye, na kubulwa bidibwa? [Muleke akulondolole.] Ivwana mulombwela uno mulao usenga ku mityima utanwa mu Bible. [Tanga Mitōto 72:16.] Uno Réveillez-vous ! wisambila pa bintu bilengejanga kubulwa bidibwa, nakampata, ulombola mulao wa Leza wa kufudija’ko panopano ponka.”

Kiteba kya Mulami 1 Kweji 3

“Tusaka nobe ulete’po mulangwe pa kino kisonekwa kisangaja. [Tanga Mateo 5:10.] Lelo muntu ukokeja kwikala namani wa dyese nansha nsangaji kitatyi kyadi mu kupangwapangwa? [Muleke akulondolole.] Bishinte bibidi bibajinji mu dino dipepala bilombola bantu bamobamo bādi ba dyese nansha byobādi basusuka. I bine kubulwepo kusangela kutanga muswelo obāfikīle pa kwikala ba dyese namino.”

Réveillez-vous ! 8 Kweji 3

“Mwene nobe uyukile amba nansha būmi bwetu byobudi buyule makambakano, ino tudi na buluji buvule bwa kufwijija’ko Leza? [Muleke akulondolole.] Shi tutale muswelo otupangilwe, i buluji kala bumo botufwaninwe kufwijija’ko Leza. [Tanga Mitōto 139:14.] Bine, tufwaninwe kufwija’ko Leza mpata witupele byumvwanino mwanda wa tusangele būmi, pamo na mulombwela uno Réveillez-vous !”