Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 2

“Bantu bavule bavutakanibwanga ñeni na bintu bibibibi bilongibwa mu dijina dya mutōtelo. Bakwabo balañanga ne kulanga’mba mutōtelo ko kashilushilu ka bikambija bya bantu. Lelo nobe kweipangwile uno mwanda? [Muleke alondolole. Kupwa tanga Kusokwelwa 18:24.] Dino dipepala dibandaula kinena Bible pa uno mwanda.”

Réveillez-vous ! 22 Kweji 2

“Bantu bavule basangelanga kwifunda myanda itala banyema, ne bakwabo nabo basangela ne kwibamuna. [Muleke ashintulule.] Dino dipepala disambila pa makambakano amo amo a kumuna banyema. Dishintulula kadi ne mulao wa Leza unenena pa kitatyi kikekalanga banyema bonso mu ndoe umo ne mukwabo ne na bantu bene pamo.” Tanga Isaya 11:​6-9.

Kiteba kya Mulami 1 Kweji 3

“Difuku dimo, bāipangwile Yesu amba: ‘Lelo ku bijila byonso’bi kikatampe i kyepi?’ Ivwana malondololo andi. [Tanga Mako 12:​29, 30.] Lelo kweipangwile kashā i kika kyādi kisaka kunena Yesu? [Muleke alondolole.] Kishinte kinena’mba ‘Muswelo Otulombolanga Buswe Bwetu Kudi Leza’ kibandaula nshintulwilo ya bino bishima biyukane mpata.”

Réveillez-vous ! 8 Kweji 2

“Kitatyi kimo, bantu bavule badi bakaminwe divita dya nyukilia. Le ulanga’mba divita dya nyukilia dikimonwa’nka nabya dyalelo? [Muleke alondolole.] Dino dipepala dibandaula kwendelela kwa panopano kwitutala batwe bonso. Kadi dishintulula mulao wa Leza ulombola’mba pano pa ntanda moyo ukekalanga ke kintu kya kala.” Tanga Zefenia 3:13.