Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 2

“Twivwananga kyaba kimo amba kudi kingelengele kibalongeka kuntu kampanda. [Tela kimfwa.] Bamo bakulupilanga ino myanda. Bakwabo bekakanga. Ino dino dipepala dilombola shi bine bingelengele bilombwelwe mu Bible byālongekele ne shi bintu bya uno muswelo bikilongeka ne didi kūlu dino.” Tanga Yelemia 32:21.

Réveillez-vous ! 22 Kweji 2

“Pa kala, Leza wāsoñenye bana balēmeke bainabo ne bashabo bene kumo. [Tanga Divilu 20:12.] Le ulanga balolo i balēmekibwe mobifwaninwe dyalelo? [Muleke alondolole.] Dino dipepala dibandaula bikoleja bitananga balolo mu matanda meshileshile ne muswelo obalwa nabyo.”

Kiteba kya Mulami 1 Kweji 3

“Ulanga ntanda yadi ya kwikala biyampe shi muntu ne muntu wadi ulonda ano madingi? [Tanga Loma 12:17, 18. Kupwa muleke alondolole.] Ino i kya bulanda, divule dine bantu balwanga luma. Dino dipepala dilombola amba shi tulonde madingi a mu Bible tukapwija lwana ne kwaluja monka kipwano kya ndoe.”

Réveillez-vous ! 8 Kweji 3

“Mwaka ne mwaka, bantu bakimbanga bingidilwa bileta bukomo. Ulanga bikokeja kwikala namani shi dyuba dimo ketukidipo na nsulo itupa bukomo? [Muleke alondolole.] Dino dipepala disambila pa kwendelela kumeso kwaendelela bantu mu kupunga nsulo ya bukomo yampikwa kyoneja. Kadi dilombola Nsulo mine ya bukomo bonso.” Tanga Isaya 40:26.