Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 2

“Lelo ulanga amba bisaka bikokeja kwikala namani shi bingidija ano madingi? [Tanga Efisesa 4:31. Kupwa muleke alondolole.] Kino kishinte kileta madingi a kamweno umbūmi a mu Bible akwasha mwa kupwila myanda ne kuleta nsangaji mu busongi.” Wisambile pa kishinte kidi pa paje 18.

Réveillez-vous ! Kweji 2

“Bantu bamo balañanga amba Leza wibakendanga mambo a bibi byonso byobalonga. Bakwabo nabo amba ulekelanga bubi bonso, nansha bubaile namani. Abe nobe ulanga’po namani? [Muleke alondolole. Kupwa tanga Bilongwa 3:19.] Kino kishinte kisambila pa matabula asatu alombwelwe mu Bible pa kulekelwa na Leza.” Wisambile pa kishinte kishilula pa paje 10.

Kiteba kya Mulami 1 Kweji 3

“Nkimba kuyuka molangila pa kino kisonekwa kyotuyukile bininge. [Tanga Yoano 3:16.] Le kweipangwile’po kashā muswelo ubwanya lufu lwa muntu umo kupāna būmi bwa nyeke ku bantu bonso? [Muleke alondolole.] Uno mulami ushintulula biyampe motukokeja kumwena mu lufu lwa Yesu.”

Réveillez-vous ! Kweji 3

“Molangila bipwilo byonso i biyampe? [Muleke alondolole.] Ivwana munenena Bible pangala pa butōtyi bumo. [Tanga Mako 7:7.] Muntu ukokeja kuyuka namani amba kipwilo kampanda kifundijanga bubinebine pa kyaba kya kufundija ‘bijila bya bantu’? Le tukokeja kusokola’kyo? Uno Réveillez-vous ! ulondololanga ku bino bipangujo.”