Nimelo ya pa Bula ya Réveillez-vous ! Ikapānwa mu Kweji wa Kitema
1 Muntu yense kabulwangapo kusangela kudila kwa toni ne kupona kwa dyuba. Ino bavule bakomenwe kwitabija amba Tata wa buswe udi mūlu ye wāpangile bino bintu. O mwanda tusa kwikala na mukenga wa pa bula wa kusapula bukamoni amba Yehova ye Umpangi kitatyi kyotukabanya ino nimelo ya pa bula ya Réveillez-vous ! (Is. 40:28; 43:10) Nimelo ya Kweji 9 ikesambila nakampata pa mwanda unena’mba “Y a-t-il un Créateur ?” (Lelo Umpangi Udi’ko?).
2 Mu Mwaba: Shi bibwanika, wilongolole mwa kutambila mu mwingilo wa ku njibo ne njibo na kipwilo kyenu mu Dya Mposo ne Dya Mposo. Ino, kokekaka kupāna ino nimelo ya pa bula ne mu mafuku makwabo a mu yenga. Badimu ne bakwabo bengila ku myanda ya masomo kebakabulwepo kusangela nakampata ino nimelo. O mwanda kukakwatwa mpangiko ya pa bula ya mwa kupempwila bantu bonso mu mwaba wenu.
3 Shi muntu wasepelela, mushile kipangujo kyosa kwiya kulondolola mu bupempudi bulonda’po. Kimfwa, ukokeja kwipangula mwanda waka Umpangi wa buswe ulekele masusu ekale’ko. Kupwa, mu kujokela’mo kupya, ukokeja kwimanina pa shapita 1 nansha wa 11 mu kitabo Bifundija Bible. Pakwabo ukepangula kipangujo kya kuyuka shi Umpangi udi na mpango’ka itala ino ntanda, kupwa kokāya kubandaula shapita 3 pokajokela’ko.
4 Ku Masomo: Shi ufundanga ku masomo, ubulwe’po kukapa badimu ne bakwenu bomufundanga nabo uno Réveillez-vous ! wa pa bula bu kyabuntu? Pakwabo kutūla’ye’tu pa meza potulanga byobe bya masomo kukalangula bipangujo bya kusaka kuyuka nkulupilo yobe. Pakwabo ukamona mukenga wa kwingidija myanda idi’mo poshintulula nkulupilo yobe mu kalasa nansha poteakanya madevwala a bya kukanena ku masomo. Mwanda wa kukukwasha, mu ino nimelo mudi ne kishinte “Les jeunes s’interrogent. . . ” kinena’mba “Comment défendre ma croyance en la création ?” (Le Mbwanya Kubingija Namani Lukulupilo Lwami mu Bupangi?)
5 Yehova ufwaninwe kulēmekwa bulēme ne kutumbikwa ntumbo pangala pa byonso byāpangile. (Kus. 4:11) Netu tukapa Umpangi wetu bulēme ne kukwasha bakwetu shi tukapāne na kyanga ino nimelo ya Réveillez-vous ! ya Kweji 9.