Le I Bika Byosa Kulonga na Būmi Bobe?

¹ Kyaba kimo bana bepangulwanga’mba, “Le usa kukekala ani shi ubatama?” Powadi ukidi mwanuke mwana-mulume, le wadi unena’mba ukekalanga mukumbi wa bañombe’ni, muntu wa kaji ka kubula mudilo’ni, nansha mutadi wa kipindi? Nansha powadi ukidi mwanuke mwana-mukaji, le wadi unena’mba ukekalanga kaimba mutumbe’ni, muñanga’ni nansha mishonele? Pano pokodi mutame, ufwaninwe kwiipangula kipangujo kikwabo amba, ‘Le i bika byonsa kulonga na būmi bwami?’ Le ubwanya kutonga pano?

² Pa kukukwasha utonge butongi buyampe mpata, bulongolodi bwa Yehova bwalupwile dishike dya DVD dinena’mba: Les jeunes s’interrogent. . . Que vais-je faire de ma vie ? Bine tala’dyo, ne kuta mutyima bininge ku myanda yonso idi’mo, kubadila’mo ne drame, bwipangudi, ne myanda ya mbwejo. Kifunka kidi mu kapango kanena’mba “Menu principal.”

³ Drame: Potala ino drame, tala malondololo a bino bipangujo: (1) I kwiifwana’ka kwiifwene Temote, unenenwe’po mu Bisonekwa bya Kingidiki bya Bwine Kidishitu, na André? (Bil. 16:1; 1 Tem. 4:8; 2 Tem. 1:5) (2) Le André wadi uningilwa namani kwikala bingwa mu makayo a kunyema lubilo, ne i bāni badi bamuningila? (3) Le i bāni badi bakokela Temote ne André ku biyampe, ne mu miswelo’ka? (2 Tem. 1:​1-4; 3:​14, 15) (4) Lelo kidyumu kidi mu Mateo 6:24 ne mu Fidipai 3:8 kyaalamwine milangwe ya André namani, ne kibakutenga nobe ku mutyima namani?

⁴ Mashapita: Kupwa kutala drame yonso mituntulu, tala monka bino bya kumwena’ko ne kulondolola bino bipangujo. Kya kumwena’ko kinena’mba: “Polo ne Temote”: Le Polo wāpele Temote kidyumu’ka kya mfulo? (2 Tem. 4:5) “Kupa Yehova Kyokya Kilumbuluke”: Le i bitungo’ka bya ku mushipiditu byowitungile? “Kulamata ku mutamba wa Yehova”: Le nsangaji ya binebine itambanga kwepi? “Madingi a Nkambo Mwana-Mukaji”: I kibi’ka kidi mu kwikala bingwa wa makayo mu ino ntanda ya Satana? (Mat. 4:9) “Kubulwa Kwialakanya”: I bika byowasokola bikakukwasha uloelelwe umbūmi?​—Nk. 10:22.

⁵ Bwipangudi: Potala kipindi ne kipindi mu bilonda’ko’bi, i bika byomona nobe byokalonga mwa kupela Yehova kyokya kilumbuluke? (1) “Le I kwipāna ku Kulondalonda Bintu bya Bituputupu’ni Nansha I Kudi Leza?” (1 Yoa. 2:17); (2) “Kuyuka Mwa Kusangela Mwingilo Obe” (Mit. 27:14); ne (3) “Kibelo Kishitule kya Mingilo.”​—Mat. 6:33.

⁶ Kuvuluka Būmi bwa Kunyuma: Le ukokeja kulondolola? (1) Le i mingilo’ka yadi ipeneneka nayo ba tutu ne kaka, ne mwanda waka? (2) Le banekenye’yo namani? (3) Le i kika kyalengeje umo ne umo ashinte būmi bwandi? (2 Kod. 5:15) (4) I mingilo’ka ya kiteokratike yapingakenine pa ya kala, ne mwanda waka bamwene amba kebabwanyapo kwingila yonso ibidi pamo? (5) Lelo bealakanyanga pangala pa kushinta kobashintyile bintu bya kulondalonda umbūmi? (6) Le i bika byobanene byaikele nakampata kukulanguluja uyuke bya kulonga na būmi bobe?

⁷ Bwipangudi bwa Mbwejo: I bika byowafundile mu buno bwipangudi bya kukukwasha wipāne nakampata mu mingilo ya Yehova? (1) “Mvubu ya Kifundwa kya Kasuku,” (2) “Busapudi bwa Miswelo Palapala,” (3) “Mwingilo wa Betele,” (4) “Bufundiji bwa Ngileade bwa Bamishonele,” ne (5) “Masomo a Bufundiji bwa Mingilo.”​—Tala “Index de publications traitant des sujets abordés,” ne kutanga myanda ikusangaja kupita.

⁸ Shi ke pano, lelo ubayuka byosa kulonga na būmi bobe? Polo wākankamikile Temote amba: “Pyasakena ku bino bintu bino’bi; wielelele monka; amba bantu bonso bamone mōendela utamina.” (1 Tem. 4:15) Netu tukukankamika kulonga muswelo umo onka na kulonda byowamwene ne byowaivwene mu dishike dya DVD. Lomba Yehova akukwashe utonge butongi buyampe bwa kukupa bine nsangaji ne kuloelelwa mu būmi bwa pano ne mu būmi bwa kumeso bulumbuluke kadi bwa kusepelela.

[Kapango pa paje 6]

MENU PRINCIPAL

Drame

Chapitres (bipindi 11)

Interviews

Démarrer

Sections (bipindi 3)

Souvenirs

Suppléments

Autres interviews

Index de publications traitant des sujets abordés

Sous-titres

Texte à l’écran (Malentendants)

Aucun

Pa kwenda kosaka, tonya pa Suite ▶ ne ◀ Retour, ne pa Menu principal.