Les jeunes s’interrrogent... Que vais-je faire de ma vie ? (Kipindi 1)

Nkasampe pa kufika’ye ku bukulu, wikalanga na butyibi buvule bukatampe. O mwanda pa kwibakwasha, kwebalupwidilwe video Les jeunes s’interrogent... Que vais-je faire de ma vie ? Shi ubafika pa ngalwilo, penepa finya pa Drame, kupwa tala shi ubwanya kulondolola bipangujo bidi mu musango 2. Pa kulondolola ku bipangujo bidi mu musango 3, jokela monka ku ngalwilo (menu principal) wende popa palembe Interviews, ebiya kotonge pa Souvenirs.

Drame : (1) Le ngikadilo yādi’mo Temote iifwene namani na ya bankasampe Bene Kidishitu dyalelo? (2) I muswelo’ka waningilwe Andre amba ekala bingwa mu makayo? (3) Lelo Tutu Fleissig wasapwidile Andre bika bitala (a) kwipāna kudi Yehova ne kwipāna ku makayo, (Mat. 6:24) (b) kutambanga nsangaji ya bine, (c) bine bimuvuluja nsaani ne lupawa bya mu kaso ka masusu, (d) bantu badi nabo pa foto pamo ne na mukajandi, (e) shi wialakanyanga pa kushinta kwaashintyile bitungo byandi. (Fid. 3:8) (4) Mwalondolwedilwe Andre na nkambo wandi ku kipangujo kya amba, “Le i bibi ami kwikala bingwa mutumbe?” (Luka 4:5-7) (5) Le kubwina mu lubilo kwaletele Andre kuloelelwa? (6) Le i bika byakusangaja mu mukanda wa mfulo watumine Tutu Fleissig kudi Andre? (Nk. 10:22) (7) Tutu Fleissig wakweshe Andre avumbule bika?

Souvenirs : (8) Le i twaji’ka twadi tulondalonda batutu ne bakaka, ne mwanda waka? (9) Le bamwenene’mo namani? (10) Le bonso i bika byebalengeje bashinte? (2 Kod. 5:15) (11) Le i mingilo’ka ya bwine Leza yapingakene yoya yobadi nayo kala, ne mwanda waka bamwene amba i bikomo kwingila yonso ibidi? (12) Le bealakenye pa kushinta kobashintyile bitungo byabo mu būmi? (13) Le i kintu’ka kyobanenene kyakulengeja ulangulukile pa byofwaninwe kulonga mu būmi bobe?

Tukulomba utale bwipangudi (interviews) ne myanda mikwabo ya ntentekelo (suppléments) idi’mo, amba witeakanye mwa kukalondolwela ku kipindi kikalongwa ku Kupwila kwa Mingilo yenga wiya’ko.