Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 5

“Mwene ubamone’tu amba bantu bavule dyalelo betyibilanga mbila abo bene pa bitala biya ne bibi? [Muleke alondolole.] Tala kimfwa kimo kya bwendeji buyampe butanwa mu Bible. [Tanga kisonekwa kidi mu kapango pa paje 6-7.] Kino Kiteba kya Mulami kilombola kamweno kotukamona shi tubalonda misoñanya idi mu Bible.”

Réveillez-vous ! Kweji 6

“Batwe bonso tusakanga lupeto mwa kwikwashisha mu būmi. Lelo ulanga’mba i biyampe kwipeka mu kukimbakimba lupeto? [Muleke alondolole.] Tala binena kino kisonekwa pa mwanda wa byobya bilupuka ku kulondalonda bupeta. [Tanga 1 Temote 6:10.] Uno Réveillez-vous ! uleta madingi mayampe a mwa kupēlejeja būmi ne kumona tulupeto tubwane.”

Kiteba kya Mulami 1 Kweji 7

“Lelo kweipangwilepo mwanda waka bantu basusulwanga pa mwanda wa kwishila’tu kwa musaka ne muzo nansha mwanda’po’tu besambanga ludimi lungi? [Muleke alondolole.] Tala bubinga buletelwe pano. [Tanga 1 Yoano 4:20.] Kino Kiteba kya Mulami kilondolola kino kipangujo kya’mba, ‘Bumo bwa Tubila le Bubwanika?’”

Réveillez-vous ! Kweji 7

“Banyema baloñanga bintu na kitetyima, ino bantu abo ibeshile mwanda badi na bukomo bwa kutonga misoñanya ya kulonda mu būmi. Ino le ulanga i kwepi kotukatana misoñanya ikulupilwa? [Muleke alondolole. Kupwa tanga Mitōto 119:105.] Uno Réveillez-vous ! ushintulula bwendeji butanwa mu Bible mobwikadile bupite bulēme.”