Malondololo ku Bipangujo Byenu

◼ Lelo i byendele’mo kulamika adelese yetu ya Entelenete ku bitabo byotwabanya?

Basapudi bamo belanga maadelese abo a Entelenete ku mapepala nansha matrakte obapāna na kashe nansha na kulamika’ko kakanda kalembe kala ku mashini. Namino boba betabija bino bitabo bakokeja kwipangwila’ko musapudi’wa myanda mikwabo. Kulonga buno bukomo mwa kukwashisha boba basangela musapu kulombola’mba badi na mutyima wa kulangila bakwabo. Inoko, diteba dyetu dya Entelenete diyukene mungya bijila i dilombolwe kala munyuma mwa mapepala ne mwa matrakte. Nanshi i kipite buya kuleka kulamika maadelese etu ku bino bitabo.

Inoko shi musapudi wape bantu ba mu mwaba adesele yandi pa kapapye ka pa bula, nakampata paenda mu kujokela’mo kupya, i butongi bumutala aye mwine. Tufwaninwe kwikala na mutyima wa kupempula dipya boba basangela musapu kupita’ko’tu kwibaleka abo bene banze kwitwipangula myanda mikwabo ku Entelenete. Tukokeja bukidi bonka kuta bantu mutyima bya binebine shi twisamba nabo mpala na mpala.