Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 1

“Molangila, le ntanda yadi ya kwikala milumbuluke shi muntu yense wadi ulonda uno musoñanya wa Bible? [Tanga Loma 12:18. Kupwa muleke alondolole.] Lelo kashā kweipangwile mwanda waka kyaba kimo Leza wādi utuma bantu bandi ba mu myaka ya kala kukalwa divita? Kino kishinte kilombola malondololo mayampe aleta Bible.” Wisambile pa kishinte kidi pa paje 13.

Réveillez-vous ! Kweji 1

Tanga Bilongwa 17:31a. Kupwa nena amba: “Bantu bavule bevwananga Difuku dya Kidye moyo. Le abe nobe umonanga namani? [Muleke alondolole.] Bible ufundija amba Difuku dya Kidye dikaletanga madyese mavule pano pa ntanda. Mo mushintulwila ne dino dipepala.” Wisambile pa kishinte kidi pa paje 10.

Kiteba kya Mulami 1 Kweji 2

“Bantu bavule bakulupile kwenda mūlu shi abafu. Lelo nobe usangelanga uno mwanda? [Muleke alondolole.] Tala binena Bible pa mpalo ikatambula bantu bayampe bavule. [Tanga Mitōto 37:29.] Kino Kiteba kya Mulami kilombola binena Bible pa boba bakenda mūlu ne kine kyobakalonga’mo.”

Réveillez-vous ! Kweji 2

“Dilubu i mwanda utādile pi na pi dyalelo. Le ulanga besonge bavule babandaulanga myanda yonso itala dilubu kumeso kwa kukwata butyibi bwa kwilubula? [Muleke alondolole. Kupwa tanga Nkindi 14:15.] Dino dipepala dilombola bintu biná bifwaninwe kujingulula besonge shi ke bakimbe kwilubula.”