Mwa Kwisambila pa Kupana Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 1

Tanga Ngalwilo 2:16, 17. Kupwa nena’mba: “Bamo banenanga’mba Leza wādi uyukile kala amba Adama ukajilulanga. Bakwabo nabo amba kidyumu kya Leza bwādi buzazangi shi wādi uyukile kala mobikekadila. Le abe ulanga’po namani? [Muleke alondolole.] Kino kishinte kishilwila pa paje 13 kishintulula muswelo wingidijanga Leza bukomo bwandi bwa kuyuka bikaya kumeso.”

Réveillez-vous ! Kweji 1

“Bamo banenanga’mba bantu betabije mu myanda ya Leza bu kitabija-vidingi kwampikwa bubinga bupotoloke. Le ulanga’po namani? [Muleke alondolole.] Kukwatañana na Bible, kwitabija mu myanda ya Leza kekufwaninwepo kwikala kwa bupofu. [Tanga 1 Yoano 4:1.] Kishinte kishilwila pa paje 28 kishintulula muswelo wa kuyuka shi lwitabijo lwetu lwimanine pa bubinga bushimate.”

Kiteba kya Mulami 1 Kweji 2

“Dilubu dibatumbe dyalelo. Le molangila i kika kilengeja bantu belubule? [Muleke alondolole.] Tala madingi akweshe bisaka bivule. [Tanga 1 Kodinda10:24.] Dino dipepala dibandaula mitompwe isamba ya balume ne bakaji, kadi dilombola muswelo ukokeja kukwasha misoñanya ya mu Bible shi twiingidije.”

Réveillez-vous ! Kweji 2

“Bimweka’mba bantu kebasangelanga bininge bibanda, bumpaki bwa manga ne bufwityi. Le ulanga amba kulonga bintu bya majende ke kubipo? [Muleke alondolole.] Tala kidyumu kyāletele Leza ku Isalela wa kala. [Tanga Kupituluka 18:10-12.] Dino dipepala dilombola binena Bible pa mwanda utala majende.”