Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 10

“Bavule beipangulanga shi Leza utele mutyima ne ku makambakano a umo ne umo. Le ulanga’po namani? [Muleke alondolole. Kupwa tanga Mitōto 34:18.] Kishinte kishilwila pa paje 19 kisambila muswelo witukwasha Leza tulwe na milangwe mibi kimfwa kwimona bu bampikwa kufwaninwa, bulanda butādila ku mutyima, ne kwitopeka bipitepite.”

Réveillez-vous ! Kweji 10

“Bantu bamo bamona’mba Leza i bukomo’tu. Bakwabo nabo bamumona bwa muntu, usangala ne kufitwa. Nobe ulanga’po namani? [Muleke alondolole.] Tala bino binenwa bisangaja. [Tanga 1 Petelo 5:6, 7.] Kishinte kishilwila pa paje 29 kileta malondololo a Bible ku kino kipangujo, Le Leza udi’ko bine?”

Kiteba kya Mulami 1 Kweji 11

“Batwe bonso tukimbanga kwiivwana bu tudi na kuloelelwa. Le ulanga’mba tusakilwa lupeto pa kwikala na nsangaji? [Muleke alondolole.] Mulembi umo wa Bible wēfundile muswelo wa kuloelelwa kitatyi kyaādi na bintu bityetye. [Tanga Fidipai 4:11, 12.] Dino dipepala ditela bintu bitano bileta kuloelelwa bitanwa mu Bible.”

Réveillez-vous ! Kweji 11

“Bamo batunanga kwikala’ko kwa Leza pa kutala bibi bilongwa mu dijina dya Leza balañanga’mba ntanda yadi ya kulumbuluka shi kekwadipo mitōtelo. Le ulanga’po namani? [Muleke alondolole.] Tala kintu kimo kine kilengeja mutōtelo wa bubela ulete masusu. [Tanga 2 Temote 4:3, 4.] Dino dipepala ditela patōka bilubo bidi mu mulangilo wa bantu batuna kwikala’ko kwa Leza.”