Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 3

“Bantu bavule bavulukanga kubutulwa kwa Yesu, le ulanga kidi na mvubu kuvuluka lufu lwandi?” Muleke alondolole. Kupwa tambika mwisambi nobe Kiteba kya Mulami kya difuku 1 Kweji 3 ne kubandaula nandi myanda idi mu kamutwe ka mwanda kabajinji kadi pa paje 16 ne kutanga nandi kisonekwa nansha kimo. Mulaye difuku dya kwitana nandi monka mwanda wa kusambila pa kalonda’ko.

Kiteba kya Mulami 1 Kweji 3

“Kudi bipwilo bivule ne tutangotango tudi na nkulupilo ne bibidiji palapala. Le ulanga muntu yense witela bu Mwine Kidishitu i Mwine Kidishitu wa bine? [Muleke alondolole.] Tala kiyukeno kimo kya kuyukila’po Bene Kidishitu ba bine kyātelele Yesu. [Tanga Yoano 13:34, 35.] Kino Kiteba kya Mulami kisambila pa myanda itano yānene Yesu itukwasha tuyuke balondi bandi ba bine.”

Réveillez-vous ! Kweji 3

“Twisambanga na balondakani netu pa kushintashinta kwa būmi. Bimweka’mba dyalelo bantu ke ba bilobo kadi kebeje kukalabala. Le ulanga i mwanda waka? [Muleke alondolole.] Tala binena Bible pa bulobo. [Tanga Mitōto 37:8.] Uno Réveillez-vous ! ulombola bubinga bumobumo bwalengeja buvudile’ko dyalelo kadi ne miswelo yotukokeja kwīfula ku bulobo.”