Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 9

“Wakoma’po. Tupempulanga bantu mu kitatyi kityetye mwanda wa kwibalombola bine bibwanya kukwasha ba mulume ne mukaji bekale na nsangaji mu busongi. Molangila, le i kintu’ka kikatampe kilengejanga busongi buleke kwikala bwa nsangaji?” [Muleke alondolole.] Mulombole kibalu kya pa nyuma kya Kiteba kya Mulami kya 1 Kweji 9, ne kwisambila nandi pa myanda idi munshi mwa kipangujo kibajinji ne kisonekwa kimo pa bitelelwe. Mupe mapepala ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 9

“Tupempulanga bantu mwanda bavule mu kyetu kibundi beipangulanga mwanda waka Leza ulekele’ko masusu mavule. Lelo nobe kodi mwiipangule kino kipangujo? [Muleke alondolole.] I mwanda usangaja’po kashā pa kulaya kulaile Bible amba, kukekala kitatyi kekikekala’kopo kuyoyokota ne misongo. [Tanga Kusokwelwa 21:4.] Dino dipepala disambila pa bubinga butano bukatampe bwikadile’ko masusu mavule. Kadi dilombola byobya binena Bible pa muswelo ukatalula’ko Leza masusu.”

Réveillez-vous ! Kweji 9

“Tubaiya na musapu utala pa fetyi mitumbe yafwena—Noele. Bamo bapelanga kufeta’yo, na kwimanina pa bidyumu pamo bwa kino kidi mu Bible. [Tanga Levi 19:31.] Bantu bakwabo nabo kebakulupilepo mu mishipiditu itabukile bantu bukomo, kadi bamwene Noele bu kisela kibi. Le nobe umonaga ino fetyi namani? [Muleke alondolole.] Dino dipepala dilombola nsulo mibi kutambile Noele.”