Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 10

“Tubaiya kwimupempula’ko dyalelo mu kitatyi kityetye. Bantu bavule botwisamba nabo banena’mba ku makambakano onso etufikila, kufwilwa muntu onsenswe kyo kintu kikomo kutabuka. Lelo nobe mo molangila? [Muleke alondolole.] Tala uno mulangwe ukankamika onamwene.” Mulombole kibalu kya panyuma kya Kiteba kya Mulami kya 1 Kweji 10, ne kubandaula nandi pamo myanda idi munshi mwa kipangujo kibajinji ne kisonekwa nansha kimo pa bitelelwe’mo. Mutambike mapepala, ne kwilaya nandi difuku dya kwisambila monka pa kipangujo kilonda’ko.

Kiteba kya Mulami 1 Kweji 10

“Tupempulanga bantu mu kitatyi kityetye mwanda wa kwibakankamika batange Bible. Shako tuyukile amba kudi basangelanga Bible, ino ke bonsopo. Le abe nobe? [Muleke alondolole.] Bible uleta’po uno mulangwe ukankamika. [Tanga 1 Tesalonika 2:13.] Nkulupile amba nobe usa kwitabija amba bine Bible byadi mukanda utambile kudi Leza, nanshi ufwaninwe kutangwa. Dino dipepala dilombola mu kīpi byobya binena Bible ne kulombola mwanda waka bifwaninwe kwitusangaja.”

Réveillez-vous ! Kweji 10

“Nsaka kuyuka molangila pa uno mwanda: Lelo muntu ubwanya kwikala na nsangaji shi kadipo na bituntwa bivule? [Muleke alondolole.] Tala binena Bible. [Tanga 1 Temote 6:8.] Dino dipepala dilombola mwa kwikadila na mumweno mujalale pa bintu bya ku ngitu, kadi disambila pa bintu bisatu bya bulēme kebibwanyapo kupotwa na lupeto.”