Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 10

“Nanga’mba nobe witabije amba būmi i bwipi bininge. Le ulanga’mba difuku dimo tukabwanya kupwija misongo ne kulepeja mafuku a būmi bwetu? [Muleke alondolole.] Tala binenenwe pano.” Tambika mwisambi nobe Kiteba kya Mulami kya difuku 1 Kweji 10, ne kubandaula nandi myanda idi mu kamutwe ka mwanda kabajinji kadi pa paje 16 ne kisonekwa kitelelwe’po. Mushile Kiteba kya Mulami ne kwilaya nandi kukemona dikwabo.

Kiteba kya Mulami 1 Kweji 10

“Tubemunangila mwanda bantu badilakana pa majika-kanwa avula mpata mu busunga ne mu maludiki. Le ulanga kudi kikokeja kulongwa pa uno mwanda? [Muleke alondolole.] Tala bikalonga Yesu ku boba basusuka pa mwanda wa majika-kanwa. [Tanga Mitōto 72:12-14.] Kino Kiteba kya Mulami kilombola amba panopano ponka majika-kanwa asa kupwa.”

Réveillez-vous ! Kweji 10

“Bambutwile bavule basaka bana babo bafunde masomo mayampe. Le ulanga bankasampe bapwa masomo ano mafuku i bateakanibwe biyampe mwa kulwila na bikoleja bya mu būmi? [Muleke alondolole.] Tala binena Bible pangala pa kamweno ka kukimba buyuki ne tunangu. [Tanga Musapudi 7:12.] Uno Réveillez-vous ! uleta miswelo itano ya kukwasha bana banekenye ku masomo.”