Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 10

“Mu bino bitatyi bikomo, batwe bonso tulwanga na bikoleja bitutyininye mbavu mu bisaka. Le ulanga, i kwepi kotukokeja kutana bulombodi bulumbuluke bukakwasha bisaka byetu bikale na būmi bwa nsangaji?” Muleke alondolole. Kupwa tambika mwinē njibo Kiteba kya Mulami kya difuku 1 Kweji 10, ebiya bandaula nandi pamo myanda idi pa kamutwe ka mwanda kadi pa paje 16 ne 17 ne kisonekwa kimo pa bitelelwe. Mupe mapepala, ne kumulaya mwiye mwisambile pa bipangujo bikwabo.

Kiteba kya Mulami 1 Kweji 10

Mulombole pa kibalu kya dipepala, ne kumwipangula’mba, “Le ukeivwana namani shi ubayuka’mba i bakubepele bubela mu myanda ya Leza? [Muleke alondolole.] Tala byānene Yesu pa muswelo wa kushiyañanya bubinebine ne bubela. [Tanga Yoano 17:17.] Nanshi, enka Bible kete ye witulombola bubinebine butala padi Leza. Kino Kiteba kya Mulami kisambilanga pa bubela butano bubepelwa Leza, bwine busokwedilwe patōka mu Bible.”

Réveillez-vous ! Kweji 10

“Twitwanga dyalelo bu bantu bengila mwingilo wa kukwasha bisaka. Molangila i bikoleja’ka bikatampe bilwa na bambutwile dyalelo pa kulela bana? [Muleke alondolole.] Bambutwile bavule dyalelo bakulupile madingi a mu Bible. Kimfwa, bino binenwa bya tunangu biketukwasha kitatyi kyotulemununa bana. [Tanga Efisesa 4:31.] Uno Réveillez-vous ! ulombola madingi a Bible moakokeja kukwashisha bambutwile balele bana ba kimano kyo-kyonso, tamba ku bwanuke kutula ne ku bunsongwa.”