Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 10

“Tupempulanga bantu mu kitatyi’tu kityetye mwanda wa kwisambila nabo pa umbikalo muyampe. Le molangila kudi umbikalo ubwanya kupwija makambakano, pamo bwa butapani ne bukondame?” Muleke alondolole. Vuluja muntu osapwila’wa amba mu Lulombelo lwa Mfumwetu, Yesu wāfundije balondi bandi balombe uno umbikalo wiye, ke Bulopwe bwa Leza kadi. Mulombole kibalu kya panyuma kya Kiteba kya Mulami kya 1 Kweji 10, ne kubandaula nandi myanda idi munshi mwa kipangujo kibajinji ne kisonekwa nansha kimo pa bitelelwe’mo. Mupe mapepala ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 10

“Twisambanga’ko’tu bityetye na bantu pa mwanda utala binenwa biyukilwe senene bya lulombelo lwāfundije Yesu balondi bandi. [Tanga Mateo 6:9, 10.] Lelo kashā kodi mwivwane nshintulwilo miyampe ya mwikadile Bulopwe bwa Leza ne mwanda waka Yesu wēsambile’po bininge mu bufundiji bwandi? [Muleke alondolole.] Kino Kiteba kya Mulami kilombola byobya binena Bible pa mwanda utala Bulopwe bwa Leza ne pa madyese amo obukaleta pano pa ntanda.”

Réveillez-vous ! Kweji 10

“Tupempulanga bantu mu kitatyi kityetye mwanda wa kwibakwasha basokole malondololo ku kino kipangujo. [Mulombole kibalu kya Réveillez-vous !] Lelo ulanga’mba muntu pa kusaka ekale na nsangaji mu būmi bimulomba ekale mpeta? [Muleke alondolole.] Bible ulombolanga mumweno mujalale wa kwikala nao pa bintu bya ku ngitu. [Tanga Luka 12:15.] Kukwatañana na Bible, muntu yense ubwanya kwikala na nsangaji ya bine. Dino dipepala dishintulula mobikokeja kubwanikila.”