Le Ubulwe’po Kwibeta?

Mu bipwilo bivule mudi basapudi kebabwanyapo kulonga bivule mu mwingilo pa mwanda wa misongo ya bukile-bukya nansha bununu. (2 Kod. 4:16) Le ubulwe’po kwita yewa udi mu ino ngikadilo akushindikile ku kifundwa kya Bible? Shi musapudi kabwanyapo kutamba ku njibo, ubwanya nansha kukendejeja kifundwa ku yandi njibo. Le ubulwe’po kitatyi kimokimo kukwata mpangiko ya kukasapula na musapudi udi na bulema ku mobo matyetye mu busapudi bwa ku njibo ne njibo, nansha kulonga nandi kujokela’mo kupya kumo nansha kubidi? Basapudi banunu bangi badi na bwino buvule mu busapudi. Bine, bukomo bolonga kebukabulwepo kwibakankamika, ne abe mwine ukamwena’mo byabuyabuya. (Loma 1:12) Ne kadi, Yehova ukakupala mpalo pa bukomo bolonga bwa kulombola buswe mu uno muswelo.​—Nk. 19:17; 1 Yoa. 3:17, 18.